Matthew 21: 23-27
Jesu thuneina aginlana uh
Khumin biehinn sunga aluuttah in, siempuliente leh nautaang upate akungah ahingpei ua, “Koi thu a tam silte nabawl ahiei? Koi in tam silte bawlding a thu ahing pieh ahiei?”achi uhi.* Jesu’n akung uah: “Thu khat kahing dong ding hi, tua khu nahing hil uleh tam silte koi thu a kabawl kahing hilding hi. Baptispa John in baptisma abawl khu heisunga hing kipan ahiei? Van akipat ahiei ahilouleh mihing akipat ahiei?” chin adongta hi. Tualeh amaute akingaituo ua,“Van a mi thu in chilei lah ‘Bangdinga ama gingtalou nahi uoi?’ ahing chi inga, ‘Mihing thu in’ chilei lah mipi igiing chiet ua, mi jousien lah John khu guolnei khat in asim uhi,” achi uhi. Tuachin Jesu adawng ua, “Ka theisih uhi,” achi uhi. Tualeh Aman zong akung uah, “Tam silte koi thu a kabawl ahiei chi ka hinghil tuomsih ding hi,” achita hi.
