Luke 18: 35-43
Jeriko luut kuon a Jesu’n mitto asuhdamna
Khuchia Jeriko khuo atun kuon un, mittaw khat khutdaw in lamgei ah ana tou a; tualeh lampi apei uh thawmging azaahbep in, bangthu ata e chin akan hi. “Nazareth a Jesu hingpei ahi,” chin ahil uhi. Khuchin ama ahing kikoukhie a, “David Tapa Jesu, hing hepi in!” achi hi. Tuamin amasanga umten aphawh ua, sip dingdeng taven chin ahil uhi; hinan leh aman, “David Tapa, hing hepi in!” chin akinahkou seemseem hi. Tuamin Jesu akhawl a, ama akunga hing pei dingin thu apie hi. Khuchia ama kung ahing tun in, “Na tungah bang hing bawlpieh leng na ut ei?” chin a dong hi. Tuamin aman, “Topa aw, khuo kamu nuom hi,”achi hi. Khumin Jesu’n akungah, “Muthei tave te, na ginna in nang ahing damsahta hi,” achi leh, thakhat in amuthei pai a, Pasian pahtawi kawm in anua azuita hi; tualeh mi jousien amubep un Pasian apahtawi chiet uhi.
