Sede Vacante leh Conclave hileh Pa Pope a shi jiehin atoumun hawm/awng tah china ahi. Tua chiengin Catholic dan dungjui Cardinal innsung vaihawmpa (Camerlengo) in Pope innsung vaijousie asai dinga, tuana Pope ki vuiding vai leh atha kitelna ding vaijousie hing guang ding hi.
Tua chiengin Pope innsung vaihawmpa (Camerlengo) in leitung pumpi a um cardinal kum 80 neilang jousie Vatican khopia han a, Pope tha kitelna ding thungetna leh metaang (Vote) tenna abawl ding uhi.
Amaute’n thungetna nei ua, ajaw chiengin sacred ballot ki bawl a, tuana two-third majority nga/tang candidate in a um masang a ballot paperte kihal in meikhu vom ki potash hi. Candidate khat in two- third majority atan chiengin amapa ki dawnngtel in anop leh Pope a kitel chia kisuhdet hingal pai hi. Tuachieng a ballot paper te kihal in meikhu kang ki potash kia lieu-lieu hi. Tuajou leh 'Pope neita ui' chin ki Phuong hi. Pope telthapa pen mipi mu ding in balcony a hing pot doh in mipi kimusah in, thu agen in mipite thupha apieh hi.
Baptism Tang Christian Khat Poupou Pope candidate in atel thei hi. Ahin agam agam a cardinal ahisih leh bishop/archbishop ki dei penpen hilouleh aminthang penpen Pope in kitel let ahi.
Cardinal kum 80 neiteng in Conclave nei in thungetna leh sacred ballot abawlna toh Pope tha telna anei uhi.
By Rev. Dr.Fr. Stanis Khup Zou
