Tangtel: “Kipahtah leh nuamtah a i um ding hizaw lou a hiei mah? Tam na nau a shi a hing hingkia tahi, a mang a i mu kieta ahi,” achi hi. (Luk.15:32).
Mandame De Krudener a hinkhuo masalam in sil tuomtuom ah kipahna a sui a, mu zoulou in lungkhamtah in a um hi. Tuabang ahilai in Moravian pawl a mi, a kengko bawlsa pe ding in a kungah maitai tah in akungah a hing pei hi. Kipahna mama nei hidingin agingta a “kipah mel na chia, na kipah ei?” chin ana dong hi. Aman “ing, pi kipah mang ei, leitung a akipah pen zong hi maithei kahi” chi’n adawng hi. A kipahna zieh a gen a, a houlim uleh Madame De Krudener zong ahing piengtha a, a hinna hing kipum khel tahi.
Na tate’n na thu ahing man ua, na nuoi a nasemtuten na thu ahing man chiengun na kipah ma bangin, akhelna kisia a Pasian kung lam belmite tungah Pasian kipahna lienpen mama hi. Gingtute kipahna tuntu ahileh “Pasian thutah (Bible) theisiem a, thumna hinkhuo a ihun zattam ten hagaulam ah kipahna lienpi ahing tun hi”. Gingtu khat hi a Bible, Thumna leh Biehinn kai chiten kipahna ahing tun theilou leh kivelpha in, na dinmun detlou, chienglou hithei ahi, akikhel man. Bible a i mu kipahna tuntute ahileh: Tapa taimangpa i mukiena in kipahna tun (Lk.15:32). Van a min gel a um zie (Lk.10:20) ginna leh lametna sepkhiet kipahna ahi (Nasp.8:39). Khrist in ahing thuohsah banga i thuohna in (1Pet. 4:13, Mt. 5:13), Tate Pasian deilam a thutah a um na (2Jn. 11:23). Mangpa muna leh hun peisa thei thana in hing kipahsah hi (Jn. 20:20) chite ahi hi.
HINNA TANGHOU
Devotional Message 2025
Pastor Dr M. Thangboi Zou
