Katholik nahi a ahileh, Pawlpi in hatna anei thum te nathei akul hi. Tamte ahileh, Sakhuo a hindan, Numei Pasal kitenna leh Damsung a Jineilou te ahi. Ahivang in Numei leh Pasal Jineilou a um hi ahoi sih chi hi aki gen zing a, aziehpen Daan ngai bang a jinei ding hina pi jineilou ahoilou na zieh pen ahileh, Pasian apat hatna/Kouna ahilou zieh leh Pasian a kipiehkhietna ahilou zieh ahi.
Pasian kouna zieh a Tangkhat um tungtang a ngaidan dih lou : Mi tamtah Jinei Hinkhuo leh Jineilou a a Sakhuo a tawndan jui ding in bangma kisahkhol na tah tah umlou in akimoh piahlut pei kha zel ua, a khenkhat ten buaina atuah zel uhi. Akhenkhat ten Jinei lou a umding, Hatna/Kouna khu jinei khalou te a ding ahi chin gelna zong umda lou ahi.
Pew Research Centre melchina dan in, Katholik Ji leh Pasal a kinei te laha Sethum suo Sekhat (34%) vel in nupa kikhenna atuoh ta uhi. Tambang a kikhenna ang tam seng zieh in 2022 kum in Vatican in kitenna tungtang akiguotna hun pen suh sau ding in thu ang pieh a, Pope Francis in gintatna dihlou tah a kinunna ten, nupa tampi kitenna buchinglou ahiei hahsat genthei nate nupa kikal a thuoh mualsuo ngaplou tampi angsuo hi,chin agen hi.
Kitenna leh sakhuodan a hin na in theisiemna leh kipiehzouna apawimaw ding a,Numei pasal neilou a hing khung sil dumdan zieh a sil tung mei emi ahisih.
Mi khenkhat in Ji neilou a um a tam silt e bawl ding atel zaw uhi:
- Insunga insungmi ateh te leh aht zoulou te enkol di.
- Sakhuo hindan ahilou leh kitenna hinkhuo theisiam zieh.
- Mimal hiselna leh damtheina, hasatna te zieh
- Meithai zieh
- Hagau lam leh pawlpi lam a pasien na sep di tupna te zieh
- Nupa kikhenna te zieh
- Sakhuo lapang hun zahdan zieh.
Tanggawl a hin tungtang a Pawlpi ngaidan :
Katholik Pawlpi tawndan kithuhil na ah, mikhat jineilou a tanggawl a um te khu biehna sung a mipawimaw tah in agen hi.
Inn sung mite leh biehna a pawlpi miten amau ding in kotpi hoitah ihon pi ding uhi.
Siengthou a ji leh taa neidia Kitenna ahilou leh jineilou a Pasian nasem dia kipiehkhietna a pang kha lou ten Baptistma atang zieh un amau dia Pasian hatna lampi ahithei thou hi.
Mihing khat ji le ta neilou a um te hatna/kouna anei sih uhi chi zong I um kha ding uhi. Ahivang in tanguol tuom tuom zieh leh vangsietna ahiei alungdei bang kitenpi di mi muzou lou te zong ahi tangpi uhi.
Ji le ta nei lou mi khenkhat te Pawlpi sung leh biehna sung, innsung leh Namsung a akizang poimaw thei mama uhi.
Katholic Biehna in Pawlpi mi Jineilou te bang achi kithuopi ei?
Katholik pawlpi in Pawlpimi atanggawl a um, ji neiloute leh Meithai te le haji tawh kikhen te alungneu lou nading un amau tawh ding khawm in pan alah pi angai hi. Aji tawh kikhen mite jidang neiloua ginum tah a dingdet mite khu Siengthou pumpi a tahsa leh hagau a halna aneithei zing na ding un pan ilah pi ding uhi.
Translated by: Robert Lalboi
