Cardinal Tagle: “Pasian malam hun zuon a ikhuolzin laitah uh ahi, tuanah Jesu ngei in eina ngah uhi.”
Tu-leh-tua Penang, Malaysia-a kimang, Great Pilgrimage of Hope khawmpi ni 3 ni (Nov 29)-ah latna siengthou thupi tah biehinnpi minthang Minor Basilica of St. Anne ah latna akinei hi.
Luis Antonio Cardinal Tagle in latna siengthou amapui a, Archbishop Christopher Prowse of Canberra and Goulburn, Australia; Penang khuopi a Bishop Sebastian Cardinal Francis; Charles Maung Cardinal Bo, SDB, Yangon Archbishop leh FABC President lui; Filipe Neri Cardinal Ferrao, Goa leh Daman Archbishop leh FABC leh CCBI President; tualeh Philippines gama Kalookan Bishop Pablo Virgilio S. Cardinal David te zong latna siengthou amapui khawmpi hi. Tami latna siengthou ah pawlpimi 900 val ang kikhawm a Penang Diocese panin mi 500 val ang kikhawm hi.
Tami munsiengthou a mi 1,500 val hing kikhawmte kungah thu gen in Cardinal Tagle in, “Pawlpi khat, ginna innsung khat a tami mun a eipui khawm uh Topa iphat ua kipah thu igen uhi, malam hun a zinkhawmte ihi uhi, tua khu ikinepna lienpi uh ahi,” a chi hi.
Cardinal Tagle in tu laia hagau lama mamuna dinga zauhuoipen leh subuoite hi linglutlouna, lepchiena leh lungkhamnate ahi. Topa Jesu’n, ginna nei mite kigingkhawl dingin ei hil a: “Kigingkhawl in um un,” chi’n Cardinal in agen kia a, “Mamuna neilou in, tuni’n kal isuon sih ding uhi.”
Cardinal Tagle inpawlpi mite tami kinepna hangsan tah a phuong dingin ahantawh a: “Mi’n, ‘Heia pei ding nahi e?’ chia nang doh leh, ‘Pa Pasian kunga pei ding kahi,’ chi’n dawng un, tualeh lamdang asah uleh amaute zong apei dingin chiel in.”
Apasal shi dinga kisa numei khat tangthu ngainuom huoitah gen in ahun tawpna thu agen a, Apasal ashi ding kuon in innmai ah apawt doh tahi. Amanu gendan in, “Ka pasal in Topa Jesu toh hun amanthei nadingin,” achi hi. Cardinal in Khristien tahsanna tambang ahi chi’n hilchienna aneia, i unpi ua eina lamdawn dinga ei ngah zing Topa Jesu tahsan vai achi hi.
“Jau sih un,” chi’n mipi kungah agen hi. “I sanggampa uh Jesu in ei ngah uhi. Ama I sanggampa dihtah uh ahi.”
Nitah lam vaiguon patna nai 8:20 p.m. in The Rexband te mapuina toh laa sahna toh Pasian phatna hun akimang hi. Tuajou in . Archbishop Christopher Prowse, Chairman of the Commission for Evangelisation, Laity, and Ministry in “Kinepna Lienpi toh Khuolzinte hi un” chi thupi toh kisai in thugenna anei hi.
Nai 8:40 p.m. in mipi kisuhhalna Australia gam pan a siempu leh leitunga thu leh laa geil leh sah siem Fr. Rob Galea mapuina toh concert akinei hi. Fr. Rob Galea in laa bawng 8 akhumta a tualeh ama hi ICON Ministry phutdoh leh executive director toumun luo ahi.
