Apeisa April 1 ni’n Jabalpur, Madhya Pradesh a Tote leh Pasian nasemte lamkim ah Hindutva ki chite’n na attack uhi.. Buaina mittah a mute gendan in, Mandla Parish pawlpite leh tote in Jubilee year toh kisai in pawlpi bieh inn mun tuamtuam behna leh thungetna nei tawnlai un lamkim a Bajrang Dal ki chite’n na kham ua, Omti Police Station ah na khum uhi. Tualeh buaina toh kisai in police station ah ki hou fel jou in, Tote in vaiguon pen sunjawp kia a, ahin thungetna bieh inn khat a nei kimlai un Hindutva gang ten na attack kia un, tuana tote gel jong na sat leh nateh puong uhi.
Tote gel ki sat puong nanleh buaina deilou jiehin bangma gen lou in um khinkhian gel in, tuana policete hingtung un ki hou jou un, guard pie in Munpi Mandla a buaina umlou in nuatha uhi.
India mun tuamtuam aum Catholic pawlpite’n demna sangtah nei ua, tuana mi sat leh mi subuaite police ten kinthei pen a matding in ngetna bawl uhi. Tualeh tam buaina toh kisai in RSS te’n bangma kisai lou leh bangma genna neilou ahin hichin thugen uh ''koute’n tambang buaina bawl kidei sih'' chi’n thusuona nei uhi.
