'Synodality in Hattuom te mission a apui ding ahi,' Chin FABC Vice President in Asian Bishops' Assembly ah gen hi.

Synodal conversion ichi pen in hattuom te a mission lam a apui leh umzieh anei pan hi chin Cardinal Pablo Virgilio David, Vice president of the Federation of Asian Bishop's Conference FABC in 12th Plenary Assembly vaiguon zawna hun a gen hi.

Assembly final press conference July 26 ni in Pastoral center of the Cathedral of our Lady of Assumption mun ah Cardinal in mipi peikhawm te kung a tuni hun a ikal suankhawn na te uh kihouna maimai a gel lou ah hinanleh Asian gam a local hattuom te ading a "bridge leh bridge builder" hithei nading a tha peh tu ahidan te theizing ding in hanthawn hi.

Tualeh delegates ten "Symbolic pilgrimage" Jakarta friendship tunnel, Istiqlal Mosque, world largest mosque mun a kalsuan ua, tualeh tami hun a Fr Clarence Devadas, Associate Secretary General of the FABC and Excutive secretary of its office for Synodality leh Bishop Antonuis Subianto Bunjamin, President of the Catholic Bishop's Conference of Indonesia te zong kihal uhi

Tualeh tami hun a Cardinal David in Assembly central theme, " You will see greater things" kichi pen puhla na nei in tami theme in mipi peikhawm te kal tungtawn in guide zing ahidan zong tahlang hi.

Aman agen na a, Synodality ichi pen pastoral strategies ahisihleh, administrative khangtou na maimai ahisih a, hinanleh hinna lampi hattuom te identity leh relationship khe lamdang tu ahizo hi achi hi.

Tuaziehin assembly hun a kikhel ding achi pen uh mikhat gindan maimai khel hizo lou a, khotang kal sung te, pasian nasep dan te leh Hattuom vanzat te atha a sutha leh suhat kia ding ahi achi hi. Tualeh tami kikhel na pen asunglam maimai hilou a i mission a hing gasuo kheit ngai ahi achi hi.

Tualeh friendship tunnel a Mosque leh Jakarta cathedral kizoptuana a kalsuanna tungtawn in zong gindan tuomtuom te lah a ki thei siam tua in ki pawlkhawm in kalsuan zing thei ahi chin atahlang hi.

Hattuom mission pen i sakhuo pih bawlna leh pulah khiet na mai hilou ah, hinanleh mihing hina zal a i mihin pi te dopsang na zong ahi achi hi.

Tualeh tuni'n tami mun a i local hattuom mun te i zot chiet na ua i thu zil khiet te leh i mission te uh gah khiet thei na ding leh mipi te lah a bridge leh bridge builder' hiding khu i mohpuahna lien pen uh ahi chin thei chiet va ui, chin hanthawn na bawl hi.