The Indonesian Bishops’ Conference (Konferensi Waligereja Indonesia – KWI) in tutung agamsung buoina a genthei hamsatna thuohte kungah a daana thu aphuong hi.
August 30, 2025 nia a thusuo uah bishopte’n tami buoina in aliem abai tualeh gamsung pumpi ah jauna aleng hi achi hi. Hepina leh lungsietna atung ua atunna dingin ngetna anei uhi.
Khangnou motorbike driver khat Jakarta a ashi jou in mipi kiphinna a um a gamsung pumpi ah akithe a, Thudih deina a kiphinna khu buoina asuoh tahi.
Bishopte’n gamsung kumpite kungah thudih toh vaihawmna dingin tualeh dan hoiloute suhdih ding tualeh mipi tungah dihtah leh kibang tah a vaihawm nadingin ngetna anei uhi.
Tuabanah gamsunga gaalkap mite kungah hepina leh zangaina neidingin ngetna anei uhi ajiehpen gam buoi hun a mipi bitna amau tunga kinga ahi jieh in bishopte’n amaute kungah ngetna anei kia uhi.
Gamsung buoina kawmkal ah bishopte thugenna pan in kinepna a um a, Indonesia mipite lungkhat, thakhat a kalsuon khawm ding leh gamsunga lemna leh thudih atunna dingin hantawhna anei uhi.
Translated by: William Zo
