FABC Closing Mass nei na ah Cardinal Ferrão in Hattuom te kung a pasian umpihna sui ding in hanthawn hi.

Asian gam a hattuom ten pasian thu a puongzah masang un mipi te lah a pasian in ana sep tungtawn pasian umpi nateh a thei masah ding uh ahi chi'n Cardinal Filipe Neri Ferrao in July 26 ni in 12th Plenary Assembly of the Federation of Asian Bishop's Conference FABC hunkha na nei ding kuan in gen hi.

Jakarta cathedral of iOur Lady of the Assumption mun a thugen na a, FABC President ten Church Synodal ichi pen pasian in Asian gam a chi leh nam tuomtuom te lah a Gou a aphuol te va sui khie toh kibang ahi achi uhi.

Mathew bung a lei lai a Gou kiphuol, kep manpha a sui sumbawlpa tawh kibang leh tuipi sunga a kipai, nga namcin a awhna len tawh kibang ahi chin Cardinal Ferrao in bishop te, priest te, religious te leh lay delegates te kung tami i assembly pen uh meeting maimai a gel lou ding in hanthawn hi.

Tualeh tami plenary Assembly a question iki doh zing uh bang chi bang a bridge leh bridge builder' hithei ding ihi uoi ichi pen ahileh pasian lenggam umsah ahia, tuami sung a ei hattuom ten pasian umpih nateh sui khe zo ding ahi achi hi.

Eiten pasian a um lou na mun te a va zo pih zolou a hinanleh a pasian umsah leh anasep te thei khiet zo ding khu ahi achi hi.

Tami ngaidan pen Synodality lungtang a um ahi. Tualeh hattuom te kung a hagau siengthou pawlna leh houpi na pen laisiengthou leh sacrament maimai a zong lou a mizawng te kaa na aw, indigenous mi te pilna, ginna a innkuan te, khangdawng te kinepna leh gaaltai te thuona a hagau siengthou pawlna sui zoh ding in gen hi.

Tualeh Asian gam a cultural tuomtuom te, khanglui tawndan te, zongna te, gaal le sa zieh a galtai te, kitha kimatna te leh ki tuom bawlna te zieh a pasian umpi na te taisan sawm mai lou a hinanleh tambang hahsatna tuoh te hattuom lam a kai lut zo ding in hanthawna bawl zo hi.

Tuohleh kihoukhomna te, aching zo lo te thu ngaikhiet lou nate leh decision making umlou na te a tambang miteh deibang in hing kihal thei lou ding uhi achi hi.

Tuachin Mattew laibu a  pasal hausa khat in anei alam teng zuo a tuo sana umna lou alei mabang in eiten zong i atitude leh silbangkim pasian nasep na hing subuoi thei ding te nuasie in silhoi bawl ding in panlah thavai chin gente nate toh hanthawnna bawl hi.

Tuohleh tami ikihoukhomna te uh, thu hoi leh thupha ikhen na te uleh documents tami assembly a ki bawl khie te zousie pasian na isepna ua nichin hinkhuo a ijat ule loching pan ding ahi chin gen hi. Tualeh delegates te innlam kileh kia chieng in mi zong mi genthei te, mi liengvai te leh panpi na tahsam te toh a bi tah a zawh khom ding in hanthawn hi.

Tualeh week long assembly closing masa aki bawl toh ki tuoh in Cardinal Ferrao in mipi peikhawm te kung ah tuni a i vaiguom tawpna pen uh Asian hattuom te a ding a mission haltha na kipatna leh synodal tungtawn a bridges builder hiding in mipi te zousie kung a athatha pulah in a ahun zoh na nei hi.