FABC Assembly in a masa pen ading in Electronic Voting zatna nei in Committee thupi tatah teh tel na nei hi.

FABC (Federation of Asian Bishops’ Conferences) Plenary Assembly a 12 vei ni khatna pen tangthu khat bang in a kilang hi. Delegates te’n electronic voting system zang in Assembly nasep kaihuai ding mi leh committee te guatna nei uh hi. Tami committee te’n Assembly nasepte kaihuai ding leh document poimawh pen nih – Final Document leh Final Message – bawl ding ahi.

Tami ki guatna pen July 21 ni in Jakarta khua, Hotel Mulia ah kinei a, member te’n Committee for the Final Document, Committee for the Final Message, leh Presiding Officers te online voting platform zang in guat uh hi. Tam bang electronic voting system zang na pen FABC Plenary Assembly tangthu sung ah a khatna ahi.

Electronic voting system pen Assembly media team te’n siam a, Indonesia Bishops’ Conference (KWI) Communications Office leh Radio Veritas Asia (RVA) Media te’n panpih na pia uh hi.

Voting pen Google Forms zang in kinei a, bishop te’n amau mobile phone tungtawn in vote uh hi. Voting kipan masang in delegates te’n QR code screen lian tung ah kilang scan in electronic registration bawl uh hi. Communication team volunteer te’n system lutna ah hasatna nei leh registration bawl theilou bishop te panpih uh hi.

Cardinal Pablo Virgilio S. David, FABC Vice President, in vaihawmna ah election officer in sem hi. Vote aban ki khiet masang chieng in Committee lamkai kitel teh phuong khie pei pei hi. Tua leh koite vote khe thei ding leh koi te vote pe thei ding ahi chi zong hilh a, electronic ballot khat tawp chieng leh a result zong phuong pei pei hi.

Election pumpi pen minute 30 vel sung in zo fel hi a, digital system in nasep a dan a kilang hi. Organiser te’n paper ballot mang ahih lou leh khut dop a vote khiet hileh hun tampi lah ding chi gen uh hi.

Ahivang in, vote kipan masang in Assembly in procedure (dan zuihna) khat tawh kisai dotna khat masa in ngaihsut hi.

Philippines gam a Caceres Archdiocese a Archbishop in, FABC danthu (statutes) sung ah vote pen paper ballot tawh ahi sih leh khut lah khawmna (show of hands) tawh nei ding chi in a kigel a, electronic voting pen a kigen chieng nawnlou hi cin a gen hi. Online voting system zang ding pen, Assembly in phalna pieh masa ding chi jong gen hi.

Cardinal David in tam thu hi Assembly masang ah formal motion khat bangin a ngai hi. Proposal pen seconder khat in a panpih nungah koima in kinialna a neilou ziehin, member tengin electronic voting zatna pen unanimous tawh a phal uh a, election zong a kipan thei ta hi.

A masang lam in, FABC Associate Secretary General in election tawh kisaibang body thumte'n bang asep ding uh chi hilchien hi. Assembly in principal outcome ni hing tun ding hi a, akhat pen vandemecum on synodality in Asia" leh anina pen "12th FABC Plenary Final Message" ahi ding chi agen hi.

Final Document Committee in Vademecum ding framework (a bulphuhna leh a kizui ding dan) a siam ding a, plenary interventions, group reports leh mi kipawlkhawmte thugenna leh thopiakna tungtawn in a suikhawm ding hi. Tam document pen Asia gam a bishop te adingin synodality a zat ding dan ah practical guide khat bangin a suah ta ding hi. Tuapen Synod on Synodality Final Document leh FABC Bangkok Document tawh kizui in a bawl ding uh ahi hi.

Committee ah tel teh pen Cardinal Tarcisio Isao Kikuchi, SVD, Tokyo Archbishop leh FABC Secretary General, Cardinal Filipe Neri Ferrão, Goa leh Daman Archbishop leh FABC President leh Cardinal Pablo Virgilio S. David, Kalookan Bishop leh FABC Vice President, Bishop Anthony James Corcoran, S.J., Kyrgyzstan Apostolic Administrator

Tualeh Final Message Committee, Assembly tawpna ah Asia Church te tungah thupuah tawpna bawl ding committee pen tamte ahi uhi Cardinal Stephen Chow Sau-yan, SJ, Hong Kong Bishop, Cardinal Anthony Poola, Hyderabad Archbishop, India, Archbishop Julian Leow Beng Kim, Kuala Lumpur Archbishop, Malaysia, Archbishop Gilbert A. Garcera, Lipa Archbishop, Philippines

Delegates te in zong tam anei teh pen Presiding Officers dingin a tel uhi, Archbishop Socrates B. Villegas, Lingayen-Dagupan, Philippines, Archbishop Bejoy N. D’Cruz, OMI, Dhaka, Bangladesh, Bishop Antonius Subianto Bunjamin, OSC, Bandung Bishop, Indonesia. Tam te pen FABC President, Vice President leh Secretary General tawh kipawlkhawm in Steering Committee a siem tha ding uh a, tua committee in Assembly ni khat leh ni khat session te a kaihuai ding uhi.

Tam election te in Assembly thupi “Synodal Conversion and Bridge-Building Mission in Asia” tungah a tah tah a nasep kipatna a enthei hi. Tuabang lai in electronic voting zatna kipatna in zong Assembly in sil bawlna thah te sang ding a kiman hi chiin a kilang a, tua kawmkal in synodal thuginna—mi tengin teltheihna, a langtahna (transparency), leh khatkhawm a ngaihtuahna (shared discernment)—te zong a kembit lai hi.