Bangalore, November 30, 2024 : Pu Pope Francis in kum 57 a upa Bishop John Rodrigues Poona Diocese apat in transfer in Coadjutor Archbishop of the Archdiocese of Bombay dingin ana tel ta hi.
Bishop John Rodrigues hi August 21, 1967 kum in ana pieng hi. A laisim na leh Theology St. Pius X College, Goregaon, Mumbai ah ana jou hi. Mumbai University pan in bachelor’s degree science (Physics) ah ana nga hi. Tualeh Pontifical Lateran University, Rome pan in Licentiate in Dogmatic Theology ana nga hi.
April 18, 1998 kum in Archdiocese of Bombay ah siempu hina a suhdetna ana nga hi. 1998-1999 kum sungin St. Michael's, Mahim ah assistant parish priest in ana om a, 1999-2000 kum sungin Secretary to the Archbishop of Bombay in ana sem hi, 2002-2013 kum sungin Professor of Dogmatic Theology in ana sem kia a, 2011-2013 kum sungin St. Pius X College, Goregaon ah Dean of Studies panmun luo in ana sem kia hi.
May 15, 2013 kum in Auxiliary Bishop of Bombay dingin ana kitel a tualeh June 29, 2013 in Bishop hina a suhdetna ana nga hi. March 25, 2023 kum in Diocese of Poona ah ana ki transfer hi.
