Pope Francis in siempute leh Pasian nasem mite kungah kiletsahna neiloua, Pasian na asep nate uah ki ngiemkhietna na leh Pasian hepina hawm dinga Pasian vanzah pawimaw pen hijo un achi hi.
“Siempute aw, palwpi mite’n ‘Amu’ chia nang hat uh kathei khie a, akhietna ahileh ‘Topa’ chi na ahia, hinanleh tami jieh in kiletsahna leh natung u ate sang a kiletsah jo na lungsim naneilou ding uh ahi”, chi’n Pope Francis in September 10 ni’n Cathedral of the Immaculate Conception biehinnpi ah siempute, siempu sinte, Pasian nasemte leh siete kungah thuhilna ana nei hi.
“Topa Jesu’n anuazuite keng ana sop bangin eite’n pawlpi mite, I unau I sanggamte, migentheite keng isop ding uh ahi chi theizing vai.”
Pope Francis in siempute’n pawlpi mite talpang a akhut ngam a thupha apeih natung tangah hichi’n agen a, “Siempute’n mi thupha apiehna uh ka mu chieng in etlawm kasa mama hi, a etlawm maimai hilou in a siengthou ahi”, achi hi.
Nakhut siengthou uh thupha piehna’n zang zing unlen mi henem zing un, siempute hi Pasian vanzah thupi nahi chi theizing un, tualeh tami zang khiel vot sih un chi’n Pope Francis in agen kia hi.
