Pope Francis in kumkia 2025 Leitung Kilemna Ni adinga Thupi phuondohna nei: 'Ka khielna uh hing ngaidam in, Koute tungah kilemna hing pieta’n’

Pope Francis in January 1, 2025 Leitung Kilem Ni (World Day of Peace) adinga athupi (Theme) phuondohna anei hi: “Ka khielna uh hing ngaidam in, Koute tungah kilemna hing pieta’n"

Tami Thupi hi khat leh khat ikingaidam nading uleh kumkia 2025 kum siengthou (Holy Year) toh kituoh a kitel ahi. Tami Kum siengthou hi December 24 a kipan ding ahita hi.

Dicastery for Promoting Integral Human Development te gendan in tami Thupi hi Pope Francis in Bishopte lai alha nate, a lai gielte adieh in Laudato Si' leh Fratelli Tutti toh kituoh a kila ahi achi uhi.

Tualeh August 8 nia athuphuon na un ‘Jubilee kum hi kikhel dinga eiki hatna uleh khat leh khat iki ngaidam thei nading uh hun ahi’ chi’n thuphuonna ana nei uhi.

Tami thui in Tahsa leh hagau lama kisiemtha na poimaw dan atalah hi.