Philippines a Sisters of Holy Family of Nazareth ngahnu siengthote’n kum 40 achinna uh lawm
The Sisters of the Holy Family of Nazareth (CSFN) ngahnu siengthote’n Philippines gam a anasep uh kum 40 achinna Manilla khuopi ah alawm uhi. Thei dinga kilawmin Philippines gam hi Asia gamkaipi sunga dinga Katholik pawlpi mi tamna pen hi.
“Pawlpi mite kunga pasian lenggam ke let nadinga Philippines gam sunga mun tuomtuom a om a, Pasian na kasep thei uhi hampha kaki sa mama uhi”, chi’n Sister Minerva F. Jumawid, member of CSFN, Philippines in agen hi.
Bishop Ruperto Cruz Santos of Antipolo in kipahthu tutna Latna siengtho Santuario De San Jose Parish, Greenhills, Manila mun ah anei hi.
“Kum 40 sung na Pasian na nasep uhi hun hampha ahi, Pasian in ama nasem dinga note nang tel tuom ahi chi manghil sih un, chi’n Bishop Ruperto Cruz Santos in agen hi.
Tualeh Bishop Ruperto Cruz Santos in Holy Family of Nazareth ngahnu siengthote kungah, Pasian na nasep uhi khol lo in sem nalai unlen iitna toh sem un chi’n hanthawna thu zong agen hi.
“Pawlpi mite kungah Pasian iitna pie un, Pasian in ei ompi hi chi athei nading un na nasep na un kilang sah un, tualeh Pasian in tami congregation na phut Mother Foundress, Frances Siedliska hinkhuo apat a eina chiel uh ahi chi thei zing vai”, chi’n Bishop in hil chienna anei kia hi.
#rvazoservice #rvapasrtoralcare
