Cardinal Grech in: Synodality ichi pen dan tha kibawl ding ahisih ah hinanleh lungtang a kikhelna a hing pieng khie ding ahizo hi achi hi.

Catholic hattuom a Synodality pen lungtang dan te a pat kikhel na ahisih a hinanleh lungtang apat kikhel na ahijo hi chin Cardinal Mario Grech in Journalist te kung a 2nd press conference of the 12th Plenary Assembly of the Federation of Asian Bishop's Conference FABC in gen hi.

Tami dawng na pen Secretary General of the Synod of bishop in July 24 ni in media room of hotel mulia, Jakarta mun a dotna tungtawn a adawng na ahi.

Tualeh kikhel na tuomtuom hing um nanleh kikhel na tah2 pen pasian thu leh lungtang a kikhel na ahi apoimo penpen chin tangkou pi hi.

Tualeh tami a ding in documents bang ma apoimo sih a, hinanleh fundamental document i nei uhi, tuapen ahileh pasian thu ahi achi hi.

Tualeh hagau a ki khel tha na leh structural a kikhel tha napen, akibang chi hi aziehpen structural changes pen in biehinn a kikhel na lienpi a tun a hinanleh hagau a kikhel na lam a suh kha thei sih hi achi hi.

Aziehpen pasian thu hing pei masa a tuana lungtang a kikhel na hing tun masa hi, tualeh a structural a kikhel na pen i panla na anop na ding ahi zo hi achi hi.

Tualeh hattuom ten structural tampi Synodality pat thei na ding i nei ta uhi, tuate ahileh parish, Diocesan pastoral council, presbyteral council, college of consultors, diocesan Synods, Bishop's Conference leh adangdang te ahi.

Tuaziehin institution tha te bawlbawl nawn lou in a umsa leh ineisa te uh nahpitah a zat ahithei nading in pan la zo va ui chin hanthawn hi.

Tualeh Holy father phalna toh commissions of canon lawyer mi ni Synod hun sung in dinkhiet a, ama ute pen synod nasep na teleh panlah dan te enkai dinga koi ahi.

Khatpen latin hattuom enkai ding ahia, tualeh khatpen Eastern Catholic hattuom te poimo te enkai ding a koi ahi.

Ama uhten a documents te uh a zo chieng in dicasteries leh holy Father kunga a submit ding ua, ama uh ten khe ding poimo te ana enkai ding uhi.

Tualeh aman athugen a zo na ding a kikhel na pen i biehinn teleh i van nei te a hing pieng ding ahisih a, hinanleh lungtang a ki khel masa na tungtawn a hing pieng khe zo ding ahi chi tangkoupi in ahun azo ta hi.