NISIM A NGAITUO DING

Topa deidan a hinkhuo namanthei nading un tualeh nasep hoi jousie a ga na suonthei nading uleh Pasian theina a na khanlet seem na ding un tawplouin ka hing thuumpieh uhi.

Pa Pasian leh Topa Jesu Khrist pansa’n hepina leh lungmuonna noute tungah hingtung henlen, tulai gitlouna apat a hing suohtasah ding leh eite mawna jieh in ama leh ama akipie hi.

Ken la sa in Pasian min ka phat dinga, lungdam silpieh in ama ka pahtawi ding hi.

Ama ah hinna aum a, tua hinna khu mihingte vah ahi. Vah miellah ah ahing vah a, miel in vah khu amielsah jousih hi.

Mithudihte ding vangin khomiel zong avaah a, Pasian mihepi siempa leh thudihpa ahi.

Jesu’n akung uah, “Kei leitung khovaah kahi, koipou kei hing zuite miel ah apei nawnsih dinga, hinna khovaah aneizo ding hi,” achi hi.

Pasian in awging lamdang tah in vanpi aging sah a, itheitheilou silthupite abawl jel hi.

Ajiehpen, angen pouma pieh in aum a, asui pouman amu hi. Tualeh akiu pouma honpieh in aum ding hi.

Hinan leh, Topa khu gintat ahuoi a gitlouna apatin ama’n noute hing chingin tualeh thahatna ahingpe ding hi.

“Hinanleh gamtat hoi ding deiman a gentheina na thuoh uleh, na hampha uhi. Amaute giing sih un, lungkhampi vawtsih un”.

"Semgim leh puohgih pote aw, kakungah hingpei un, tuachin keiman khawldamna ka hingpe ding hi".

Pei inlen, “Kithoina deilou in hepina kadeijaw hi,” kichi khu va simta’n. Ajiehpen midihtatte haan ding a hingpei kahisih a, mikhielte haan ding a hingpei kahijaw hi,” achi hi.

Ann mangthangthei sui in dieng dieng sih unlen, kumtawn a umzing ding ann sui in dieng zaw un, tuate Mihing Tapa’n noute kunga ahing pieh ding ahi, ajiehpen Pa Pasian in atunga chiemtena a anamdet ahi.

"Kei hing haatsahpa jieh in sil jousie kabawlthei hi".

"Khat-le-khat unau kilungsiet bangin kilainattuo unlen, kizabawlna lamah kidiem un".

"Na nasepte TOPA aap in tuahileh na ngaisutnateng adet ding hi".

"Mibasamte ka halsah dinga, mi lungkhamte zong ka taisahta dinga. Khuchin kahing thou a, ka dahkimkota, manghoi tah anahin hi".

Tualeh nou khatvei pampai a umsa leh lungsim gilou a silhoilou bawlte Ama mai a gensietbei, thaanghuoi lou leh siengthou a ahing umsahthei nadingin ashina jaal in atahsa pumpi toh ahing kilemsahta hi.

Thulu: Jesu in Pasian 'PA' chia ahatna

"Aw TOPA, thupinate, silbawltheinate, pahtawinate, janate, lalnate nanga ahia, lei leh van a um jousie zong nanga ahia, aw TOPA, leenggamte zong nanga ahia, nangma mi jousie tunga tawisang nahi".