LUKE 12:54-59
Hun umdante theina
Jesu’n mipite kungah zong, “Nitumna lang a meipi hing um namu chieng un, guo hazuh a hing zu ding ahi nachi ua, tuamabang in ahing um hi. Tualeh sim langa hui ahing laan namu chieng un ‘Ha sat a hing sa ding ahi’ nachi ua tuamabang in ahing um zeel hi. Nou mi lepchiete aw, leitung umdan leh van umdante nathei ua, hinanleh bangdinga tulai hun umdante theilou nahi uoi?
Nang hing heehpa toh kilem in
“Tualeh bangdinga nouten thudih tungtaanga thukhenna neilou nahi uoi? Ahing heehpa toh thukhenpa maia ding dinga lampi a napei chieng un na thu uh sieng thousah doh un, tua ahilouleh thukhenpa maiah na langpa’n ahing kai dinga, thukhenpa’n vaihawmte kungah ahing peluut dinga, vai hawmpa’n suongkul ah ahing khum ding hi. Kahing hil ahi, tuana kipat in sumsan khat nasan zong napieh sieng masangsie’n na pawtdoh nawn sih ding hi,” chin agen hi.
