LAWMHOIH I POIMOH
Jesu a lawmhoih ineih dan chih laa tuitak a sathei te mi enhuai pente ahi uhi.
Tulai a mulkim huaitak a mahni hinna kila ichih ten hiai laa asak theih kei tawp unle mihing lam ah lawm hoihtak khat beek ana neikha le uh hiaibang tuak ding un ka gingkei.Sap ten a friend inneed is a friend indeed achih mah bangun i haksat hun a kikup pih theih ding lawm mihing in ki poimoh lua ahi.Khalam a pianthakna ana nei kha nailou te adingin leng mihing in lawm hoih ki poimoh lopet mah ahi chih ka experience khon share ahi.
Mihing in ituah te aki bangkei khop mai.Haksatna,lunggimna tuak tak+ ten a haksatna leh puakgik atuah te uh genkhiak nadi deih natel un chia chih kei Pathian ta, piangthak khat inle kangaih tuahna ah lianpi hong om ahi.
Hun paisa a hinna ana kila te ka ngaihtuah chiang in lawmhoih,lunggimna aneihte genpih theih di khat ana nei himahmah le uh hiaitan tunglou ding hi ua kachi vung+ sek a,ka hehpih mahmah hi.
Mihing ten aguk a lungkhamna tatak ituah chiang a inu-ipa,i sanggam te sanga le i haksatna igen khiak ngamna ilawm itpen te kiang hi ut mahmah ahi. A houpen in khat genle, iheh luat nakhat khong a om chia i lawmte kia igen khiak a honna ngaihkhiak ua leh i lungkim mawk ahi.
Lawm hoih nanei hia sanggam? JESU na lawm hoih dia naneih theih naikei lehle na khanvual,na haksatna naki kup pih theih ding lawmhoih khat ana neile chin lungkham leh dahna naneih hun a nagen khiak ngam nading poimoh lua ahi chih deihsak thu kah khak hi.
Ka thukhit nading in, mihing ten i lungkhamna bangtan hiam hon nem thei mahle un tangtawn a hon lungkim sakthei khatkia a om,huai tuh Jesu ahi.Athak in Jesu i lawm hoih pen dingin inei ding uh aw chih iki chialna ahi
