N I T E N G H A T N A
September 4, 2025: NINGANI
THUPI: HUN TENG ZANG HOIH
Taangteel: Ka thugen ngaikhia a, ka kongpite a niteng a ngak a, ka inn lutna a taang gige mite'n nuam asa uhi
(Pau 8:34).
Kipumpiakna hun hoihtak a zat a poimoh in a hoih mahmah, himahleh huai kia a hun kei lai hi. Hun sehtuam tomchik sung zat hoih kia hilou in, i hinna pumpi a i niteng hun zatdan thumna leh kipumpiakna hinkhua ahih lai zawkmah ding ahi. I hun zatdan uh en thak hi lehang,i hun tampite bangmahlou a zangkha i tam mahmah dingin a gintakhuai hi. Huchibang a i hun zat maimaite hoihtak ki-en thak in Pathian toh omkhawmna leh kithuahna hun bangin pilvangtak in zang thei lehang hinna kise ding tampi bawlhoih ding hi. Nna i sep ding teng leh i hun awng kalte bek in i thum zel ding uh, huai in hon hatsak ding ahi.
Thumna: Toupa damna na hon piak sung ka hun neih bangbang manphatak a zat ka sawm ding, hon panpih in Toupa Jesu minin kon ngen hi. Amen.
