Inuasie September ha ni 19 ni’n Catholic siempu Fr. Matthew Eya, parish priest of St. Charles Church, Eha-Ndiagu suh-suolam Nigeria a Enugu State ah migilou pawlkhat in ana that uhi.
Fides gendan in Topa Eya Nsukka County a Eha-Alumonah–Eha-Ndiagu lampia a umna parish zuon a ang kile na ah motorcycle a tou thau tawi mi ni in Topa Eya motaw keng akap keh pieh gel a, a khawlsah gel a tuazou in thau toh ngavei kap in ana that gel hi. Mitmu techy te gendan in tami hi mat ding asawmna ua atha kha uh ahisih a tha ding atup mawng mawng uh ahi chi agen uhi.
