RVA Program Director in ‘Authentic Witneses, not content’ chi Asian Digital Missionary Assembly kipan masang in hilchienna nei
Fr. John Mi Shen, FABC-OSC, Executive Secretary leh RVA Program Director in Asian Digital Missionary Assembly kipat masangin Digital content hilchienna neu khat nei in hichin gen hi, ‘’eima minthang na dingin content nal leh etnuamte siem hijawlou in, i content siemte’n Pasian min tawisang leh mipi Pasian toh kinaisah tuh hijaw vai.’’ Chin gen hi.
Fr. John Mi Shen in Digital Mission lunglut leh sem lellelte dingin silpoimaw thum tengkhie a tuate ahileh ‘Listen, accompany leh Witness’ ahi. Social media a video, lim, Podcast leh Bible reflection i khante in followers leh views neitam ding chin lungtuplou in, mite ki theisiemna leh Pasian thu leh laa hatsa jawna in nei vai chin Asian Digital Misasionary Assembly ah hing kalsuante kunga thumopna nei hi.
‘’Social media a dinga content isiem chiengin, tuate khu a ending leh ngai ding mi um teitei ding ahia, tua jiehin content isiemte jong pilvang theitawp in siem vai chin deisahna thu.’’ Fr. Mi Shen in gen a tuabana Digital Ministy in pastoral ministry khelnanei ding ahitah chin jau ding hilou in, leitung khantou dungjui in social media kijangtam, mite in social media jangtam hitah jiehin Digital missionary poimaw deudeu sah thu gen kia hi sawnsawn hi.
‘’Digital langa bawl hoi mama ikisa dingin i hinkhuo a Pasian thu juilou ihileh digital langa ithugen, i message piete kanatna umtuom sih ding hi chin.’’ Fr. Mi shen in theisa hi. Tuabana digital a dinga siem leh i bawl tapou Pasian thugenna a eima minthang na ding hijawlou in, Pasian thute tangkou leh mipite in Pasian thu leh laa theisiem sa jaw vai chin gen hi.
‘’Platformste atha hing um dinga, tualeh Nikhat ni chieng abei kia jel ding ahia, ahin eite’n i sep i bawl uh pen uh kikhel lou ding Pasian thu tangkou a mipi khu Pasian langa ipui zing ding uhi chin.’’ vaiha thugen na a Fr. John Mi Shen in gen hi.
