Pope Francis in China gam ah diocese of Luliang phudoh dingin phalna Vatican thusuo tungtawn in apieta hi.
Tami thusuo hi January 20 nia ki Phuong ahia tualeh Father Anthony Ji Weizhong bishop masapen hidingin suhdetna jong ana kipie ta ahi.
Tami diocese tha lam nading mu ah gamgi buoina Vatican leh China in kum tampi ananei ahita a Chinese Communist Party (CCP) te kumpi lai ahitabou hi.
CCP Pope Pius XII April 11, 1946 a ana patdoh Diocese of Fenyang gamgi hawtna ana boltha ua Chinese administrative boundaries kinai in ana boltha uhi.
2023 kum a Bishop Huo Cheng shi jouin Fenyang entup ding ana om nonsih hi. Bishop Huo Cheng hi China kumpi leh Vatican kihouna te a techi nahi ahi.
Buaina akibelou nading leh Pasian thu leh laa phuonzah semsem thei nadingin Pope in tami diocese ana khawlsan ta hi.
Vatican deidan dungzui in Diocese of Luliang pen Shanxi Province a Archdiocese of Taiyuan bishop etkawlna neiah a omding a tualeh Cathedral Church of the Sacred Heart of Jesus biehinnpi in anei ding hi.
Tami diocese tha in mun ahuom teng ahileh Lishi, Wenshui, Jiaocheng, Xingxian, Linxian, Liulin, Shilou, Lanxian, Fangshan, Zhongyang, Jiaokou, Xiaoyi leh Fenyang ahi chi’n Thusuo in agen hi.
Diocese of Luliang gam hi 21,000 square kilometre a lian ahia mi 3,346,500 tenna mun ahi. Tamte lah ah 20,000 Katholik pawlpi ahia Siempu 51 tualeh Ngahnu Siengthou 26 a om hi.
Translated by: William Zo
From RVA English Website
