23 March 2024 ni’n Cardinal Filipe Neri Ferrão, President of CCBI and Archbishop of Goa and Daman in Goa a Benaulim khuopi a kimang Communio Volunteership programme tawpni’n tami vai a hing tel te kungah ngetna anei hi.
Hanthawnna thu agen kawmin tami vai a pan hing late kungah pawlpi kizuikhawmna Lamkai hina dingin pan la chiet vai tualeh midangte toh kalsuon khom a panpi ngaite leh iitna deigo mite adingin kipie khie vai chi’n ngetna anei hi.
Topa Jesu hinkhuo ngaisut kawmin ama kungah ki aap zing vai ama banga lamkai hoi ihithei nading un tualeh nangma mimal hinkhuo ah ama toh kikawm zing in chi’n hilchienna anei kia ahi.
Tami vaiguol khana Mass Siengtho Cardinal Ferrão in amakai a tualeh India gam mun tuotuom pan in khangno lamkai 30 in Pawlpi kizuikhawmna Lamkai hina ding leh migentheite panpi dingin ki pieh khietna ana nei uhi. Tami chiemte nadingin Cardinal Ferrão in certificate piehkhietna zong anei pai ngal hi.
Tami vaiguon a hing tel mi tampi’n Pawlpi thu leh laa tualeh digital era a media pawimaw dan kigente aphattuompi mama uhi. Thei dinga kilawmin tami vaiguon hi Communio leh CCBI Youth Commission te kithuokhawm a kibawl ahi.
