Inuasie September ha ni 19 ni’n Catholic siempu Fr. Matthew Eya, parish priest of St. Charles Church, Eha-Ndiagu suh-suolam Nigeria a Enugu State ah migilou pawlkhat in ana that uhi.
Fides gendan in Topa Eya Nsukka County a Eha-Alumonah–Eha-Ndiagu lampia a umna parish zuon a ang kile na ah motorcycle a tou thau tawi mi ni in Topa Eya motaw keng akap keh pieh gel a, a khawlsah gel a tuazou in thau toh ngavei kap in ana that gel hi. Mitmu techy te gendan in tami hi mat ding asawmna ua atha kha uh ahisih a tha ding atup mawng mawng uh ahi chi agen uhi.
Topa Eya shina tungtang thu hi Msgr. Cajetan Iyidobi, Chancellor of the Diocese of Nsukka in pawlpi mite kungah aphuong a: “Daana leh hasietna toh kidim in, mishi te thawkia ding kinepna toh i sanggam pa uh, Topa Matthew Eya um nonlou thu kahing Phuong hi,” chi’n agen hi.
Police ten Topa Eya that te suina anei ua, Lamkaite gendan in mi 38 mat in a um uhi. Tami te lah ah pawlkhat Topa Eya kithana tungtang thu a pang dinga ginmaw ahi. Enugu State government in Topa Eya that te kimat nadinga thuguh thei te kungah naira million 10 (€5,700 vel) lawmman amu ding uhi chi aphuong hi.
Translated by: William Zo
