Naupangte’n thautang sangin laibu apoimaw jo uhi Myanmar gam ah chi’n Jesuit ten agen uhi.
Gaal gam Myanmar a Pasain nasem a um Jesuit te’n mi million 20 val in akinthei pen a etkawlna (Emergency humanitarian assistance) atulmaw hi tua te lah ah naupang million 6 vel in laisim nading leh ahinkhuo uh asiem nading un laibu atulmaw hi chi’n agen uhi.
Myanmar gam buoi sunga naupangte leh innkuon kithuopina kipie te hi atam mama hi.
Gaal kipat jouk um 4 jou a tuol gaal leh zil-kilingte jieh in Myanmar gam a khosah hi ahasa mama ta a, Gaal jieh a buoina tuote’n panpina atulmaw uhi chi’n Jesuit te’n agen kia uhi.
February 1, 2021 a gaalkapte’n gam a uh apat in Myanmar gam in gaal leh khuo-leh-hui jieh a tuosietna te ana tuoh a, tamte jieh in mi million 3.5 val vaitai in a um hi.
Buoina tuohte’n anneh tuidawn, zatui-zaha, puonsil-nihten leh adang dangte apoimaw mama nalai uhi.
Tam bangin Myanmar a kum zakhat joua zil-kiling hatpen in aden jou ha 3 jou in mi million 6 val in panpina akinthei bangin atulmaw mama hi.
UN te suichien dan in March 28 nia Myanmar a 7.7 a hat zil-kiling ah mi 3,800 vel in shina atuoh a tualeh mi 5,000 vel in liemna atuoh uhi.
Gaal jieh a vaitai mi million 3.2 om ban ah zil-kiling jieh in vaitai mi atul a sim in akibelap hi, adieh a zil-kiling in aden hat namun Mandalay, Sagaing, leh Magway pan a vaitai, chi’n UN in thuphuona anei hi.
Translated by: William Zo
