Msgr. Tomas Halik in leitung kikhel dungjui in hagau lam nasemna jong FABC ten pilvang taha sem dingin theisah.
Leitung kikhel dungjui in FABC ten jong asep, abawl na ah tahsa leh hagau lam nasepna ah jong pilvangtah sem ding, decision jong hoitah lah ding poimaw asahdan Msgr. Tomar FABC Khawmpi ah thugen hun ngah in tam thugen hi.
Czech Theologian leh Socialogy ah sem Msgr. Pu Tomar in Video conference athugenna ah, ’’leitung pen kikhel nasah mama tah ahi jiehin Pasian nasemten jong tua dungjui in nasem ah khel dinga, tuana Pasian thu leh mipi thu ngai ding poimaw’’ asahdan hilchien hi.
Tam Khawmpi amun tah kangtel theilou bangin tulai leitung khangtouna nasatah um dungjui in, tel leh tellou umlou, ka thugen dingte buaina bangma umlou in ka umna mun pan ka gen thei jieu lel hi ah Pasian thu ka tangkou thei jel hichi kawm in leitung khantouna etsana ahi chi’n gen hi.
‘’Tulai leitung khantou dungjui in ipil, isiemna toh leitung buoinate ki joutho nonsih ah, tuajiehin social media, technology digital communicationte jong thei ah Pasian nasemna jong zathei hitah chin Msgr. Tomar in tangkou hi.
Tualeh Tomar in gen kiana ah, FABC Khawmpi pen administrationte kikupna mai-mai in manglou in, khat leh khat thugen ki ngaituohpi in hingpei unlen tasa leh hagau khangtouna ding kikupna ding thupitah in jangvai chin ngetna bawl hi.
Tomar in Asia gamkai namtuom,hamtuom, tawndantuom tamna gam ahi jiehin Catholic Pawlpi dingin hoina tampi um in, mailam ah leitung catholic Pawlpite’n Asia pan catholic hoina tungsah ding hi chin gen in tamte tunna dingin synodal jui in nasem kipan ding poimaw thu jong talat hi.
