Father Marcelo Perez, Mexico gam a Diocese of San Cristóbal de las Casas a siempu khat ahia, meltheilou pawl khat in October 19 ni’n Mass siengthou abol jou in ana that uhi.
Tami hi Father Perez in Mass abol jou a beihinn anua sie a apot na a silting ahi. Pasian thugen a Guadalupe a pei dinga kisa a car juon a apei na ah motorcycle a tou meltheilou mi ni in thau in ana kap gel hi.
October 20 ni’n Mexican Bishops' Conference (La Conferencia Episcopal Mexicana, or CEM) in sunna thu aphuonna ah Faher Perez that te adem na leh pawlpi in mi manpha leh mantam khat Father Paerez amansuo na thu aphuong hi.
CEM in Father perez in Pasian na asepna a akipiedoh nate leh apontho nate talahna aneia Pawlpi na asepna te leh mi genthei te adinga apan lahna te ettawn ching ahi na jong atalah hi.
Bishopte’n agen kia na ah Father Perez in Pawlpi na asepna a pawlpite’n tahsa leh hagau lama aphattuompi nate leh pawlpi mite’n a iitna thu jong agen hi.
Father Perez vui na Mass October 21 ni’n Cardinal Felipe Arizmendi Esquivel in anei a, pawlpi mite mun tuomtuom apat in Father Perez a iitna uleh lamkai iithuoi khat ahi na a vailha dingin ang kikhawm uhi.
