India gam pan a bishop khat leh pawlpi min a hinna na pie mi 2 misiengthou suothei dingin Vatican in Phuong
May 22 ni’n Pope Leo XIV in Pasian nasem mi thum hinkhuo atheipieh a, amaute hi misiengthou suothei dingin ana Phuong tahi.
Pasian nasem mi thum — Sister Inés Arango Velásquez, Bishop Alejandro Labaka Ugarte, leh Bishop Matthew Makil te hinkhuo akithei zinga, Pasian na asepna uleh kilemna dinga ahinkhuo ua ana kipumpieh nate ua theizing ahi uhi.
Pasian nasem Ecuador a naki that
Tam misiengthou suohthei ding mithum te lah a mi ni, Spain a Bishop Alejandro Labaka Ugarte leh Columbia a Sister Inés Arango Velásquez te’n Ecuador gam a zat leh namte, meitui leh sing met bawl company te pan a bawlsietna atuoh jieh un ahinkhuo phal ngam in ana veng gel ahi.
Bishop Labaka ahileh Capuchin missionary leh bishop ahia. A hinsungin Amazon a Huaorani and Tagaeri zat-leh-nam te veng ding leh Pasian thuhoi thupha hil dingin ana kimpumpieh hi.
Sister Inés ahileh Capuchin Tertiary Sisters of the Holy Family ngahnu siengthou ahia, 1977 kum in ngahnu siengthou suo dingin ana lut a hagau lam a lamkai khat ang hi ahi. Anasepna te leh Huaorani zat-leh-nam te adingin hat leh hangsan tah in ana pang zing hi.
July 21, 1987 kum in Bishop Labaka leh Sister Inés ana in Tagaeri nam te toh lemna thu kihou dinga apeina gel ah thal tang in ana kikap gel a tuajou in teipi toh ana kidawt gel a ahinkhuo ana bei ta gel hi. Tuni tan hi amaute gel hinkhuo hi Pasian iitna techy in aki thei zing gel ahi.
Kilemna leh siem sinna lam ah India Bishop kitawi sang
India gam adinga Pawlpi lamkai kunglui leh Sisters of the Visitation of the Blessed Virgin Mary na phut Bishop Matthew Makil (1851–1914) jong misiengthou suothei ding te lah ah ana kiphuong hi.
Kerela gam a Manjoor khuo ah ana pieng a tualeh Changanacherry leh Kottayam a Apostolic Vicar panmun luo in Pasian na ana sem hi. Apostolic Vicar ahi sungin siem sinna lam tualeh numei naupangte ding, Pawpi thu leh laa phuon, tualeh mun gamla te a Pasian thu phuon nadingin gimlou in pan nasa tah in ana la hi.
Kerela a pawlpi sunga kikhenna ana umlai in Bishop Makil in kingiemkhietna toh pan ana la a ana le thuh hi. Ama pan lah natoh Tou lam leh Suh lam kilemna natoh kipumkhat na leh kilemna um nadingin vicariate tha khat ana kihong a tuanah bishop masa dingin ana kitel hi.
Ahinkhuo pumpi ah “Pasian kei kinepna ahi” (God is my hope) chi thupi ana zang a, pawlpi sung leh siem sinna sanginn ana phudoh te tungtawn in theizing in a um hi.
Translated by: William Zo
