Pope Francis in Msgr. Paul Nguyen Quang Dinh, Vietna a Hung Hao diocese a vicar general pen auxiliary bishop dingin ana tel ta hi.
Tami thu hi Holy see Press Office pan a thusuo tingtawn a phuon ahi hi.
Tu masangin Msgr. Paul Nguyen in Hanoi a Son Loc Cathedral ana enkol a tualeh liturgical commission of the diocese ah na ana sem hi. Tualeh Voncaria’s successor chi min jong ana nga hi.
Msgr. Nguyen hi May 18, 1973 in ana pieng a, Saint Joseph Major Seminary, Hanoi ah philosophy leh theology ana sim hi. November 29, 2005 kum in Diocese of Hung Hao adingin siempu hina a suhdetna ana nga hi.
2006 kum in parish vicar of Du Ba in ana sem a, 2006-2009 in parish priest of Ngo Xa, 2016-2019 in parish priest of Yen Tap tualeh 2019-2022 parish priest of Tuyên Quang in na ana sem hi.
Siem sinna lam ah Institut Catholique de Paris, France pan in master’s degree in liturgy and sacramental theology ana nga hi.
UCA news te gen dan in Diocese of Hung Hao hi Vietnam gam sunga dinga diocese gam lien pen ahia, 48,000 square kilometre ahuop a, Dien Bien, Lai Chau, Lao Cai, Phu Tho, leh Son La province te jong ahuop a tualeh Ha Giang, Ha Tay, Hoa Binh, leh Tuyen Quang province beh khat jong ahuop hi.
Bishop Dominic Hoang Minh Tien pen incumbent bishop ahi a, 2022 kum a namdetna na nga ahi.
Translated by: William Zo
