FABC Khawmpi’n nithum thugenna, lungsim khongaina,thungetna, Latna siengthou leh adangdang hun mang jou in, tuni’n ni 4 ni’n khat leh tou khawm ah, Synodal toh kisai thulu zangin huntha khat mang kia ua, tammi thulu Synodal leh Pawlpi vai tuomtuom Fr. Clarence saina leh mawpuona in kipan hi.
Tam toukhawm kihouna masa pen Pu Bishop Socrates.B, Pillipines pan in ahunnga in, aman ahun apat masangin, group khat table ah toukhawmsah ah, tuate kunga khat leh khat kimel theimasa dingin chiel hi.
Tuana thuhil dingin Fr. Clarence in ahun lah in, thuhilna nei ah, tamna aman hilnuam thulu ahileh khat leh khat umna mun buainate ki gentuohpi ding leh kingaituohpi dingin tuami thute pan maban panlah dingdan gen ah. Tualeh khat in thugen chiengin khat in hoitah in ngai ding leh apoimaw dungjui ah dawn dingdan poimaw dante hilna nei ngal hi.
Tualeh tamhun ah thulu senih in khen ah, khatna pen ahileh tenna Pawlpi sunga nasem anopna leh ahatsanate gen ding ua, tuami pan in maban panlah dingdan, panlahna in leitung bup catholic Pawlpi hatna leh khantouna hihen chin gen ah, tualeh anih ah, umna munchiet Pawlpi sunga ki itna, kitheisiemna um thei a, Pawlpi hoina dingin synodal thulu toh Pawlpi sunga bang chi panlah Pawlpi sunga tuibang luangkhawm diei chidan jong gen kia hi.
Tam gen jou nua in, agroup ua, kikupna nei jou nua in, kikupnate leh thulu pansa panlah dingdan angaituohnate uh khat, khat in mipi mai leh thuhil Fr. Clarence kunga pulahna nei uhi, tamte jaw jou in Fr. Clarence in tambang kikupna pen Pawlpi sunga poimawdan leh Synodality semna ah kikupna poimawdante etsana leh hil chietna nei hi. Tamte tanah kikupna maimai jahlou hilou in inn kinua leh chiengin diocese leh parish ah jong nasatah ah hing semsuo dingin hing kikhawmte kunga hilchietna nei leh semsuo teitei dingin ngetna bawl in tamtoh thuhilna tawpsah hi.
