Catholic religious congregation tuomtuom te’n Myanmar kithuopi nadingin ngetna anei uhi. Theisa mabang in Myanmar gam hi gaal phuol a kum 4 sung um ahita a, tualeh sawt nailou in zil kiling jieh in mi tampi ashi a tualeh agam mi tampi’n genthei hasatna atuoh hi.
The Jesuit Mission Australia in akinthei banga panpi dingin ngetna anei a tualeh Myanmar gam a gaal leh khuo leh hui jieh a gentheina tuoh te panpi dingin ngetna anei uhi.
Kumli sung gaal um jieh in agam uh abuoijah tahi. Tu-leh-tu’n Myanmar gam ah mi million 20 vel in akinthei pen a etkawl (emergency assistance) apoimaw hi.
The Jesuit Mission Emergency Action Fund in Australia gam a mi kiphalte kithuopi na toh 2021 kum akipat in Numei, Pasal leh naupang 850,000 gam 14 ah buaina leh hasatna tuomtuom te ah ana panpi ta hi.
Tunia panpina in Myanmar gam a buoi leh hasatna thuoh te leh leitunga gentheina thuohte apanpi ahi.
Tualeh The Sisters of Our Lady of Charity of the Good Shepherd te’n jong akinthei pen a Myanmar gam panpi thei nading in ngetna anei uhi.
March 28 ni’n 7.7 a haat zil-ling in gaal phuol a um Myanmar gam adeng a, innkuon tampi giehna ding, ann neh tuidawn ding neilou in a um hi. Mi million 17 vel in genthei hasatna atuoh hi.
GSIF te panpina toh Good Shepherd sisters ten apet pet in a hasa mama te leh a genthei penpen te panpina ana pie pain gal uhi.
Mipi panpina toh Good Shepherd Center a tui lah na, eh-buh tualeh numeite leh naupangte um nading abawl hoi thei ahi ding hi.
Religious congregation dangdang te leh diocese tualeh Myanmar gam a sem Catholic NGO te’n mipi hinkhuo siem tha nading leh kinepna anei nading un sum leh pai a panpi ding dan lampi a ngaituo hi.
Translated by: William Zo
