Cardinal Tagle in simtham a Pasian nasepnate pan a kinepna mu dingin Asia a Pawlpi lamkaite ngen

Khristien kinepna khu mihingte lawchinna pan hi lou in, nisim hinkhuo a simtham a Pasian nasepnate theina pan ahi, chi’n Cardinal Luis Antonio G. Tagle in July 22 a Federation of Asian Bishops’ Conferences (FABC) a 12 veina Plenary Assembly neina ah ni khat retreat kiman na a telte ahil hi.

Asia gam tuom tuom pan a bishop leh palaite tami retreat ah ahing tel ua, tami retreat hi assembly kikupna kipat masanga ki mang ahi.

"Sil thupi zaw namu ding hi... Pastoral lamkaite Synodal pientha nadinga hatna " chi thupi zanga angaituona ah, cardinal in Pawlpi sil tup pen khu sil thupi tah lawchin sah ahisih a, Khrist in na thupi jo ana sep sate theikhietna khu ahi, achi hi.

Laisiengthou a John Thuhoi Thupha pan a Jesu leh Nathanael kimutuona ngaisut in Cardinal Tagle in thuchiem, “Sil thupi jo namu ding hi,” in nuazuite amau lawchinnate ua kinga lou in Pasian nasepnate ah lunglutna apie jo hi.

Athugen hilchien nadingin, Cardinal Tagle in John Thuhoi Thupha pan in simmun khenkhat atel hi. Kana moupawi ah, nuazuite’n Jesu in sil lamdang abawl masatna amu uh ahi tui lenggazu asuosah na pan in tuakhu khotang muolphou nakhat a lang ahi. Tuama bangin Samaria numeinu toh Jesu tuikul gei a aki mu a akihouna gel, Mary Magdalene in athoukia Jesu khu huon chingpa a agenna, tualeh nuazuite Emmaus lampi ah Jesu toh kituo in tanghou aphalsuo hun a athei pan uh.

"Jesu nasep thupi tah tah te hi sil lamdang lou khat apan a pieng ahi," chi’n Cardinal Tagle in gen. "I pianthana uh khenkhat khu Pasian nasep jieh a lamdang isah te uh theikiana ahi."

Cardinal Tagle in Manila a ami mal sil tuoh zangin tua khu a ensah hi. Traffic light ah akhol a, lampia van jua khat khu nethei jua ngap hiva achi a, tua sangin tuami pa’n silpieh in ann ei pie hi.

"Kholai a sil juapa pan in sil thupi jo khat imu thei uhi," chi’n agen hi. "Amet muna sanga sil pieh thupi jo ahi chi ei hil chien mama hi."

Pawlpi in ginna tuom tuom mite kunga panpina apieh jou a Lebanon gam a gaal taite amu thu agen kia hi. Naupang khat in azuon a, "Jesu toh lawmta kahi nuom hi," achi a, cardinal in agen dan in tuami hun khu sil pieh neunou khat in Pasian adinga lungtang ahondan a talah thu agen hi.

A thugen tawpna ah, Cardinal Tagle in Jesu nachiem "sil thupi jo" khu thawkiana ah kim tah in akilang hi. Athoukia Khrist in mi jousie leh nisim itna silbawlna te tungtawn in na asem nalai hi, tulai khovel hasatnate kawmkal ah Pawlpi khu kinepna jieh det tah apie hi