Cardinal David: Pawlpi Mission pen mi tampi siem ding hilou ah, Mihing manphatna humbit ahoi zoh hi.

Asia gam sung ah Catholic Pawlpi nasepna pen Catholic mi thah tampi nei ding guo ahi shi a; mihing zahna leh manphatna humbitna, kituahna bawlna leh mi koipou ading phatna ding (common good) sem ding a kipia zawhna tungah kitheisiem l zaw hi.

Tam thu pen Federation of Asian Bishops' Conferences (FABC) Vice President, Cardinal Pablo Virgilio S. David in Jakarta, Indonesia, Hotel Mulia-a Leatris Media Room ah July 24 ni-a 12th FABC Plenary Assembly thugenna leh thu kihilna ah a genpi pen ahi.

Thu kigielte'n adotna dawnna ah, Cardinal David in Asia gamte'n a tuah uh buaina—gam leh gam kizawhna (geopolitical tensions), politics a lam kikhenna, nam lunggulhna (renewed nationalism), leh gam kikal kipawlkhawmna hamsatna—thu a gen hi. Tam te pen plenary assembly sung ah bishop-te'n a genkhawmna bulpi ahi a, tam assembly thupi pen "Synodal Conversion and Mission to be Bridges and Bridge-Builders in Asia" ahi.

Czech theologian Fr. Tomáš Halík leh Malaysia mi pil Dr. Choong Pui Yee te thugenna pansanin, Cardinal David in bishop-te chu Asia gam sung ah khawsahna leh politics  lam a thupi tah in kikhel zelna te ngaitua dingin ki han hi.

"Globalization a hatna kiam zel a, khawvel huap pawlpi leh sungkhatna pawlte a keke zelna hun ah," Cardinal David in agen a, "khawvel huap pawlpi a ding det lai khat chu Catholic Pawlpi ahi."

Tami ziehin, Pawlpi in kilemna (peace), kihoulimna (dialogue), leh kilemna siamthana (reconciliation) lamah thutah leh dihtatna aw ging tahin ding ding mawpuahna nei hi. Tam thu pen Pope Leo XIV in tam veipi a genna toh kituah hi.

Cardinal David in Pawlpi nasepna pen mipi tamsem bawlna matanga ah sulut ding hilou hi, chi in a gen hi.

"Ka tup bulpi pen Catholic mi tampi sem ding matang  hilo hi," chi hi.

A genbehna ah, lungdam thu (Evangelization) puanzah na pen Pasian lim leh mel puoh a siam mihing koipou zahna leh manphatna phuongzahna ahi. Pawlpi chu Christian te matang hilou in, mihing koipou tawh kizui ding leh diktatna (justice), kipanpihna (solidarity), leh kilemna (peace) tungah kinga khawsahna lam siam dingin kihan ahi.

Cardinal David in, "Eite Paradise hi dingin ei kihan hi," chi hi.

A genbehna ah, Pasian Gam (Kingdom of God) khu mihing zahna a kizahna, dihtatna a zuina leh kilemna a kibawlna mun jousie ah kilang hi, chi hi.

Cardinal David in Indonesia khu Pawlpi in thanei khum na leh hamphatna zong lou kawmkawm in khawtang ading bangchi hihna nei thei chi et ton ta  khat ahi, chi hi. Jakarta Archbishop Cardinal Ignatius Suharyo Hardjoatmodjo in mi koipou ading phatna (common good), khawtang diktatna (social justice), siamna leh leitung kepbitna (care for creation), leh nehguna(corruption) dohna te a thupi sahna phat hi. Tam thute pen Catholic te matang hilou in mi tampi lungsim toh kitua hi.

Cardinal David in tam manphatna te pen sakhuo leh namdangdang mite'n kibang tah in a neih uh ahi a, tam ten nam tampi leh sakhua tampi khawsah na ah kipawlkhawmna ding bulphuhna hat tah piangsah hi, chi hi.

Amah in Indonesia gam pilna bulphuhna Pancasila zong phat a, tam thu in nam, sakhua leh piandan kibang lou te ki-zahtahna tawh khawsa khawm ding leh mi koipou ading phatna semkhawm ding lampi a hawng hi, chi hi.

"Ei bang nam, piandan, ahi sih leh sakhua nei hileh zong, mi koipou ading phatna i zui a, mihing zahna leh manphatna i humbit hi," chin Cardinal David in a gen hi.

A thugenna tam te pen 12th FABC Plenary Assembly in agen lengleng thupi khat—Synodal Pawlpi khu kikhenna siam sangin, mi leh mi kizopna (bridge) lam siam dingin kihan ahi—chi na tawh kituah hi.