Archbishop Raphael Thattil: “Khrist toh kimaituona tha hi Asia gam a Ginna Lungtang ahi”

Kinepna toh Zinna Siengthou Pawi nini ni (Nov 28) ah Syro-Malabar Major Archbishop leh India gam a Ernakulam-Angamaly-a Metropolitan Archbishop, His Beatitude Archbishop Raphael Thattil in thugenna thupitah ana nei hi. Athupi: “Krist toh kimaituona tha neiding a hatna” chi ahi. Tami session ah bishopte, siempute, Pasian nasemte sim in mi 900 val Asia gamkai sunga gam tuomtuom pan in ahing tel uhi.

Kimu nadinga pomaw sil thumte

Archbishop Thattil in Khrist toh kimaituona tha neithei nadinga poimaw sil thumte talahna anei hi.

• Mimal: Ginna hi lungsim ngaituona leh dann maimai ahisih a, Nang theisiem leh nang iit mama na lawm khat oth nakimu banga Jesu Khrist toh ahinga kimutuona ahi.
• Siemthana: Kum tampi  Khrist natheisa mite’n zong ginna tha anei kia thei uhi. Kimaituonate hi Pasian hepina a pan a kihawnnate’n akipsah hi.
• Kikheltheina: Khrist toh kimaituona dihtah in ilungsim ngaituonate asiem tha a, I mihina asiem tha a, I hina tahtah agen chien tha hi. “Jesu Khrist toh kimaituosa khat hi ahinkhuo uh akibang ngai nonsih hi.

India gam Kerala a Catholic charismatic movement a asil tuohna tungtang gen in, Khrist toh mimal a kimaituona jieh a sim senglou hinkuo tampi kikhel amu thu agen hi. Ahinkuo ua lampi peina ding theilou te zong tuni’n Khrist a kizung phu in hinkhuo tha amang ta uhi. g an nei ta a ni.

Asia gamkai a hatsatna tuomkhat

Archbishop Thattil in tami gamkai a nam tuomtuomte, sakhuo tuomtuomte leh ham leh pau tuomtuomte khu ahasatna leh alemchanna ahithu agen hi. “Asia hi Jesu pienna, atenna, a shina leh a thawkiana gam siengthou ahi a, Khristien ginna ngei zong ahing pien dohna mun ahi,” achi hi. Ahivangin, Asia gam atamjo ah Khristiente atawm nalai mama hi, India gam ah zong, kum zabi khatna a Misiengthou Thomas in ginna ana tut ahi tabou hi chi'n agen hi.