Pu Pope in Siadaw (Bishop) thasuote kung ah mizongte toh kithuzah zing un chi’n hilna nei

Pu Pope in Siadaw (Bishop) thasuote kung ah mizongte toh kithuzah zing un chi’n hilna nei

Leitung pumpi apat Bishop 200 tah Rome ah formation course chi  khawmpi mang di’n zingtun ua, tuana thupi in “Proclaiming the Gospel in the Changing Epoch following the Pandemic:The service of the Bishop’’ zang in ni 12-19 in Regina Apostolorum Athenaeum mun ah mang uhi. Tam Formation course pen sehni ah kikhen hia, khat pen ni 1-8 September ah kinei jou ahi.

Tam khawmpi mun ah Pu Pope in Siadawte thuhilna nei ah, tuana aman,  Siadaw hina toh bang hiei ka sep leh bawl ding chi thei zing un chin hilna nei ah.Tuaban ah  ,Mizongte toh ki nai zing ding a, amate nget leh gente hoitah ah ngai khie ah sep theisuo tantan ah seppi ding ahi chi’n ang kikhawm bishop teng kua hilna thupitah nei hi.Tualeh jong Bishop hina toh eima ding tuotlou in Pasian ding in na sem vai chi’n hatthawnna thu gen kia hi.
Pu Pope in, Thungetna pen Pasian nasemte dinga nasep thupi khat ahi chin theisah in, Siadaw khat thungen lou ah um leh Pasian toh ki gam lah nuom ah, tualeh zong minsiena leh hoilounate atunga tuh nuom hi chin theisah  hi.

Ang kikhawm siadaw gam tuom-tuom pan ah ang kalsuon ten jong  a gamsung thutoh kisai sep leh bawl dingte Pu Pope mai ah hilna,  leh  talatna nei hi.