Pu Pope Francis in kumkia 2023 chia East Timor ziin ding lunggul.
Pu Pope Francis in kumkia 2023 chia East Timor ziin nuom ahi chi’n Pu Archdioces Edgar Pena Parra, Vatican Deputy Secretary, tulaitah ah East Timor ziin apeisa September 23 ni’n gen hi.
Vatican Official pan thu kizahdan Pu Pope Francis in East Timor ziin nuom mama hia, 2020 in, natpi (Corona ) um ziahin Pu Pope ziin ding na kikhol sah ahi chin Pu Bishop in mipite theisah hi.
East Timor jong gam lah ah Pu Pope ziin dia chielna bawl lah khat hia, kumkia chia ang ziin ding pen , Vatican pan Pope ziin ding ki siem nailou hi ziahin tu-le-tu in ang ziin thei ding ahi chi bangma genthei um naisih hi.
Pu Bishop tulaiatah Vatican mi’n East Timor ziin hia, a ziin sungin Apostolic Nunciature ( Embassy of the Holy See) Centre for Human Fraternity Timor-East for World Peace leh Common Coexistence chi munpi thupha piena leh honna te nei hi.
Tuaban ah Pu Bishop Perra, ziin sung ah jong, Centre for Poor Children of Canossian Sister of Balide, the Interdiocesan Seminary of Sao Pedro and Sao Paulo and Fatumeta, The Cemetry of Santa Cluz, The Timorean Resisrance Museum Archive lamakaite leh vaisaite kimu ah tualeh jong East Timor Prime Minister pa jong kimupi sawnsawn ahi.
