Pu Pope Francis in khangnoute kungah lungsim siengthou noutoh midangte panpi vai chi'n hawnthawnna thu gen

Pu Pope Francis in khangnoute kungah lungsim siengthou noutoh midangte panpi vai chi'n hawnthawnna thu gen.

Pu Pope in apeisa ni 6 April in Casal del Marmo Juvenile Detention Facility Chapel mun ah, thongkie mi 80 te leh a innkuonpite, guardte leh asunga nasemte dingin Holy Maundy Thursday latna siengthou aneipi hi. Hunpi a athugenna ah, midangte panpi ding hawnthawnna thu agen a, lungsim ki neusah tah leh lungsim siengthou noutoh mi panpi vai chin agen hi.

Pu Pope Francis in agen sawnna ah, Mikhat hoitah nou leh lungsim siengthou noutoh ipanpi khu tukhanga a Topa Jesu in ei hil leh ei deisahna thu hilna hoikhat ahi chin agen hi.

Pu Pope in agen kia a, tuni apat in ei sanga neuzote juou thu toh sawl ding, neehmang ding te gel nonlou in, lungsim a mipanpi ding lungtang nei chiet lei i hinkhuo uh bang tan in a etlawm diei chi'n atangkou sawnsawn hi.

Pu Pope francis in Pope akitel jou ni 15 achin ni'n tam Casal del Marmo Prison mun a Maunday Latna siengthou anei masa na mun jong ahi.

Maundy Thursday latna siengthou neina ah pasal 10 leh numei 2 keng asawp pieh a, amaute ahileh mi 2 pen Sintis mi ahia, adangte ahileh Russia, Croatia, Senegal leh Romania gam pan ahi uhi.