Pu Pope Francis in Canada mite kungah ngaidam ngen
Zani, 26 July ni in Pu Pope Francis in Canada mite kungah ngaidam angen ahi. Canada mite chi pen, gam tuom mite ahing tung masanga ana teng masate china ahia,
Mangkam in Indigenous People of Canada akichi uhi. Masanglai in Red Indianste zong ana kichi uhi, ajieh pen Pu Christopher in America gam ana tun in,
agam mite’n amai uh asansah uh ana mu a, tualeh ama pen India gam tungin ana kingaituo hi. Tuajieh a India sante (Red Indians) ana chi ahi.
1863 kum a pat 1996 tan, agam mite 150,000 vel Christian sanginn tuomtuom ah ana kikoi ua, Mangkam azilsah ua, lai asimsah uhi tualeh amahaw ham azangsah nawnsih ua,
phasa khat in anu apate uh amu nawnsih uhi. Mi tamtah ana shi ua, sanginn huongsungah ana kivui ua, tuathamloh in, ana kibawl sie uhi.
Hichia ana bawlsie phasa khat Katholik pawlpi sunga tote leh ngahnusiengthote ahi uhi. Tua naupangte pen, Canada kumpite’n Katholik pawlpi ana ap uh ahia, laisim dinga ana ap uh ahi.
Anneh tuidawn akisuhsih a, sanginn ah nat leh sat aom a, akem josih uhi. Phasa khat pen asuohta ua, lai asim ua, tu’n milien milal tamtah aomta uhi.
Atamzaw pen in genthei athuoh ua, phasa khat natna toh ashi ua, aki ban vuita uhi.
Hichi agam mite Katholik pawlpite’n ana genthei bawl jieh un, Pu Pope Francis in ko pawlpite ei ngaidam un. Kumpite toh kana kithuo kha ua, agam mite kana ngiem koi kha uhi achi hi.
