Pope Leo XIV in Bishop kitel that e kungah pawlpi mite toh kinai ding leh kihouna toh vaihawm dingin ngetna anei a tualeh oawlpi dan te toh kituoh a vai puo dingin ngetna anei hi.
September 11 a Vatican formation course a bishopte kunga athugenna ah. Pu Pope in bishopte kungah hun hamsa atuo chiengun Hagau Siengthou tahsanna toh thungetna toh pang zing ding tualeh munkhat a kikha khum a umlou ding in thuhilna anei hi.
Tualeh Pasian nasemte bolkhiel nate tungtang thute hi phuol ding ahisih a thudih thuman leh hepina toh thu tanna neijo ding ahi achi hi.
Pawlpi zawhkhawmna thupinate tahlah in pawlpi tawndan hoitah ahi chi’n Bishopte hi pawlpi gawmding leh lemna tungsah ding ahi nading uh apoimaw dante agen hi. Tualeh Social media jah kidawm ding, apoimaw dungzui ah tami social media tungtang ah kikawmna lam a misiemte ngaidan lading in thuhilna anei kia hi.
Pope injong vocation thupinate agen a, tami hi pawlpi kinepna ahi tuajieh a vocation hi akoi tapou adinga kihon nading tualeh pawlpi mite kipawlkhawm nate a kihal ding tualeh pawl dangte toh zong kikawmtuo ding apoimaw dante zong agen hi.
Laudato Si’ kum 10 achin kum tahlah in khuo leh hui lam a pawlpi panmun lahding poimaw dan leh pawlpi mi mun tuomtuom leh ahasa muna umte ngai poimaw a tuate entup dingin zong thuhilna anei hi.
Pope in bishopte thu anget pieh zing ding thu agen a, “Pawlpi in nang kipahpi mama uhi; nouma matang nahi sih ua; kipawlkhawm in pawlpi hamsatnate ipuo khawm uhi tualeh kipumkhat in Jesu Khrist Thuhoi Thupha iphuong uhi,” chi’n ahun ajouta hi.
Translated by: William Zo
