1. "Khigui thungetna pen thungetna hoi mama ahi. Ilungsim mitlha toh Jesu mel leh maitang ei musah thei hi. (Angelus, October 2013)
2. Khigui sut a thu i nget chiengin a thutengte kigen maimai ahisih hi. Tua thutengte’n Jesu hinkhuo sungah ei lut pieh hi. Tua tungtawn in i Topa Jesu in i hinkhuo pen bel khengpa’n a dei banga a khen ma bangin ama dei bang ang khen nadinga iki pumpieh na ahi hi. (General Audience, October 2013)
3. Khigui thungetna pen leitung bup a muonna leh kilemna a om thei nadinga a vanglien leh athahat mama thungetna ahi hi. (Message for the World Day of Peace, 2014)
4. Khigui sutna toh i Tonu Mari ma bangin a lamdang a tapa Jesu hinkhuo a lungngai dingin noute kang chiel hi. (Angelus, May 2015)
5. Khigui sutna pen hagau thu ah pichinna leh khantouna ahi a, Jesu tawh kibah semsemna lampi ahi hi. (General Audience, October 2015)
6. Khigui sutna jieh a i leitung hinkhuo ah hasatna jousie aveng pai ding ahisih a. Khigui sutna in tua hasatna teng hangsan tah in ei phu zo sah a, Pasian apat a hing pei lametna ei nei sah hi. (Message for the Month of May, 2018)
COVID-19 natna leitung pumpi a alen laitah in Pope Francis in Katholik pawlpite Khigui sut dingin eina chiel uhi.
"Tuhun pen mailam a thu pieng ding koima’n ithei khol sih uhi. Hasatna leh lungkhamna to idim uhi. Tuajieh in Khigui sutna toh pang bembom chiet vai” ana chi hi. (Urbi et Orbi, March 2020)
