Nipi Ni Thum nia Pope thuhilna (Catechesis)
Nipi zaw Ni Thum Nia athuhina (catechesis) ah Pu Pope Francis in Misiengtho John in a ana sut Ann Zaluina Nukhia (The Last Supper) akawh a,
tua ann zaluina ah Jesu in anuazuite ana hanthawn gige hi. Jesu in hichi’n ana hanthawn hi: Na tahsanna uh kiemsahsih un ajieh pen Pa inn ah mun khat siem dinga kuon ding kahita hi” achi hi.
“Khangdawng hitalei tehsie hitalei, Pasian chiemna chiem chiet ding ihi uhi, adiehdieh in tehsiete’n achiem bai zaw ding hi.
Tualeh hun ichi uh khu, khangdawng tehsie a ahi” achi hi. Thuhoi Thupha (Gospel) kichi khu kinepna ahi.
Tehsiete hinkhuo iet chiengun, leitung a ihinkhuo uh atawplam ahita chi ithei chien ua, tehsie hamphatna ahizaw hi.
Tutunga athugenna ah Pope Francis in tehsiete ahenem a, ga na suon hun uh ahita a, leitung mihingte etlawm na pieh hun uh ahita hi achi hi. Tami ahi Gospel in agengen.
Tehsiete in Pasian pan a amu uh thupha hepina asim hun uh ahi achi hi. Mi josie ni khat tehsie suoh ding ihi uhi, azong ive theisih ding uhi achi kia hi.
Hichi’n Pope Francis in tamveipi tehsiete hanthawnna leh henemna apie gige hi. Ama nasan zong tehsie ahita a, tehsie dangte ahanthawn nalai hi.
