Zou Catholic Literature and Liturgical Committee ten hunsawtpi na ngaituoh leh na buaipi Zou Mass Siengthou Latna Book pen zanita Dt. 3 Fefuary 2024 in St. Luke Chapel, Zoveng a Topa Aimeng in na siensuo tah hi.
Tammi Book ki siensuo hun'n ZCLLC lamkaite, Zou Catholic Union lamkaite, Zou Catholic sunga lamkai tuamtuam leh mipite’n na uap uhi.
Tualeh Edition khatna leh ninah jong na um ah tuami jong Topa Aimeng in ama matang in koima englou in na bawl ah, ki jangtou in, tuapen chinglah kisah jiehin Edition thumna amama in buaipi kia ahi akitupnou khat leh hoinou in bawl hi.
Tammi Zou Mass siengthou Latna atopna leh final ding pen hunsawtpi in ZCLLC te’n na ngaituoh ua, tamveipi ki houna nei jou in, Topa Mark Aimeng in hing bawl heh chin ngansie nanei ua, tuama bangin aman jong Pasian leh ka pawlpite ading ahi pouleh chin kamteng khat jong keh kilkel lou in na kipan ah, tam bawl hunsung in a tha leh jung, sum leh pai tampi jong koima eng seseh lou in man na seng in tuni’n Pasian hoina toh ki siensuo in mipite’n zathei hing hitah ahi.
Tammi Zou Mass siengthou Latna Book leinuam ten Fr. Mung ZCLLC President leh Pu Michael Ginzasuan ZCLLC Treasurer kunga na dei hun-hun in na leithei ding uhi.
