Apeisa February 24, 2024 ni’n Kerela a Mahe khuo ah St. Teresa biehinn a latna siengthou kinei sung in tami biehinn hi Basilica a phuon ahi ta hi. Tami thuphuon na hi Calicut diocese a Bishop Varghese Chakkalakal in anei ahi.
Tami latna siengthou hi Most. Rev. Dr. Joseph Kalathiparambil, Metropolitan Archbishop of Verapoly in amapui a tualeh reverend Mar Joseph Pamplaniyil, Archbishop of the Thalasseri Syro Malabar Archdiocese in hunpi thugenna anei hi.
Rev. Dr. Stephen Alathara, Deputy Secretary General, CCBI in Tami biehinn in Basilica hina anga thei nadinga CCBI Boundary Commission in apom pieh na 2022 kum a CCBI Plenary Assembly a akikup nate uh hil chienna aneia tualeh Holy See Dicastery for Divine Worship and the Discipline of the Sacraments in phalna apieh nathu te zong Topa Alathara in aphong hi.
Tami hun kinei na Latna siengthou ah Kerela sunga siempute, ngahnu siengthoute leh pawlpi mite mun tuomtuom pan in ang kikhawm uhi.
Thei dinga kilawm in St. Teresa’s Church Mahe hi 1736 kum a naki phut ahia, suhlam India a Diocese of Calicut neia om ahi.
