Apeisa 8 Oct, 2025 ni’n Y. Khutha Catholic pawlpite’n hunsawtpi na buaipi ah na lam uh bieh inn tha St. John Catholic Church honna leh siensuona Pu Emeritus Archbishop Dominic Lumon nanei pie hi.
St. John Church ah Pawlpi hileh inn 23 maimai um hia tua jong Y. Khutha leh Anal Khunou khuo ki gawm khawm uh ahi. Amaute hileh Anal nam Catholic ahia, Chakpikarong huam ah um khuo khat ahi tualah tam huam ah Catholic Pawlpi vang mama ahi. Y. Khutha khuo ah Catholic leh Baptish hattuam teng khawm ua, nopni , dahni in koima kikhen lou in na ki thuakhawm jel uhi. Tam bieh inn pen khuo 2, Y. Khutha leh Anal Khunou te kitang ding ua, bieh inn kaikhawm ding uhi.
Bieh inn Siensuo leh hon theina dinga latna siengthgou Pu Emeritus Archbishop Lumon makaina in siempu 11 toh nanei ua, sister 4 leh Catholic Pawlpi mi, pawl dang , CSO Lamkai leh khuokim, khuopam Lamkaite’n ki lungtuoh tah leh ki thuohnou in na mang khawm uhi.
Tamhun ah Fr. Joseph Roy, Parish Priest St. Joseph, Sugnu leh Incharge, Divine word mission centre, Chakpikarong in vaidawnnna thu genna nanei a, kipahthu gamsung siepa WL John nanei a, viaguan huntawp in mipi ann kuan imkhawmna um hi.
Gamsung siepa WL John in ‘’MHCC, Sugnu leh St. Joseph Church, Singtom ten dangka 50000 chiet tohna ki thuapinate uh manghil lou in na tah in kipathu na gen ah, kipah etsana in memento jong na pie uhi.
Sugnu leh Singtom te’n hun hoi lai in Catholic Pawlpi khuodang , namdang, muan tuam hitaleh beidong a umte panpina na bawl jel gel ah hinlah tuni’n tam Pawlpi tegel gal leh tual jiehin khuo leh bieh inn jousie melmate’n haltum siengtah ah, ami-asah jong galtai sieng a, teng khawm theitalou in Lamka huam sunga kithe thang uhi.
