Pu Pope Francis in kum 77 a upa Bishop Thomas Dabre, Bishop of Poona resignation lai apawm pieh zoin Auxiliary Bishop of Bombay dingin kum 56 a upa John Rodrigues atel a, tuazo in Bishop of Poona dingin atel kia thu Rome khuopi ah kiginni March 25, 2023 ni’n akiphuong hi.
Bishop John Rodrigues hi August 21, 1967 in Mumbai khuopi ah ana pieng a, April 18, 1998 in siempu hina suhdetna ana nga hi.
1998 apat 1999 sungin St. Michael Church, Mahim ah Assistant Parish Priest in ana om a, 1999 apt 2000 sung Secretary of the Archbishop of Bombay dinmun luo in ana om hi. Kum 2000 apat 2002 sung in Pontifical Lateran University, Rome ah Licentiate in Systematic Theology ana nga hi.
Tualeh kum 2002 apat 2011 tan St. Pius X College ah Dean of Studies dinmun luo in Systematic Theology ana hil a, kum 2010 apat 2013 tan Secretary of the Priests' Council of the Archdiocese of Bombay dingin ana kitel kia hi. Kum 2011 apat 2013 sung Archdiocesan Coordinator for the "Year of Faith" dinmun ana luo a, 2013 kum pan in St. Pius X Collage ah Rector in ana om kia hi.
May 15, 2013 kum in Auxiliary Bishop of Bombay dingin ana kitel a tualeh June 29, 2013 kum in Bishop hina suhdetna ana nga hi.
2019 kum pan in CCBI Commission for Bible ah member khat in a om a tualeh Basilica of Our Lady of the Mount, Bandra, Mumbai a rector zong ahi.
