Pilgrime Of Hope Khawmpi ah Pu Cardinal Tagle in Asia gamkai Pawlpite kunga Pasian thu tangkou

Pu Cardinal Luis Tagle in ‘’ Kinepna lienpi toh siengthou zinna’’ (The Great Pilgrime of Hope) hondohna neina thu na gen  masa in tuatoh Khawmpi pat ahi. 

Pu Cardinal Tagle in ‘’Amasapen in tammi Khawmpi vaisai FABC-OE te’n tambang Khawmpi thupitah Asia gamkaite kisutuoh thei leh kimukhawm theina dinga pan nasatah lah na tunga kipah thugen a. Tammi Khawmpi a pang ding hing chi Pu Pope Leo ka theisa in aman jong  ‘Asia gamkai mite Nousietna leh akipapi dan thu’  hingpuosah ahi thu kikhawm mite theisa hi’’.

Tambang Khawmpi thupitah ah thugen dinga nei chielna tung ua ka lungdam mama a, ajong neu khat ka nervous ahi chi kawm in hunpeisa kum 2006 ah Asia Mission Congress  masa pen Thailand khopi a na ki manglai in jong thugen dinga na chiel uh jong gen hi.  Tualai athugen ahileh Jesus thu leh laa tangkouna hia tuni injong Jesu thu leh laa ma  Asia gamkai ah tangkou kia ding ka hi chi gen hi.

‘’Christian ihileh Jesus thu leh laa gentu, puotu leh tangkou tuh ihi ua, tua jiehin iham, ihindan , isep,ibawl leh mite toh ihindan in Jesu thute tangkouna khat ahi’’ chin Pu Cardinal Tagle in gen hi.

‘’Jesus leitung lenlai in, Pasian tapa bongbuh a hing pieng ah, genthei chinteng thua ah, Thudih tangkou jiehin bawlsietna thua a,  ann gol, tui ngol, inn leh lou neilou in hinkhuo amang a, thong akie  a,  Lengte jousie lah lengpa ahia, tamte i et chiengin Jesus jong lampi tuam ah napei a, ahin tun ama ahileh eite lampi sielpa, eite hinna leh thudihpa ahia, eite Asipi ahia , eite kinepna Jesu ahia  chi thei in tam Kinepna lienpi toh Jesu siengthou zinna ahi mang nuam chiet vai’’ chin Pu Cardinal tagle hanthawn thugen hi.