Rome khopi sunga St. Peter’s Basilica akilat apat Kum 400 achingta hi.
Tami Kum 400 chinna melchina ding in Vatican in pan lahna tuam tuam angaitua hi. Amun vaveh ding a kuan te ading in Zangkhai tah a lutthei nadi bawl ahia, mun khen khat ve theilou dia ki bol ana kikhah te zong mipin ave thei na ding a hon doh ahi.Theizingna programme ahile February 20 apat kipan in November 18 tan a Pope Leo XIV kaihuaina nuai ah Mass siengthou nei ahiding hi.
Ahivang in tam teng teng tung a vaiguon kibawl te lah a apawimo pen mite lungtang a um pen ahi le “Peter khu tamnah aum” chi ahi.
Peter tamnah aum: Amun tah tah, Ama tah tah
November 18,1926 kum in Basilica khu loupe tah a Lankhiat ahia, kum zabi 4 na emperor Constantine in ana lam ahi hi. Tuomi masang a inn ana um pen kum 1200 lang ana ding a Christian masaten aginmaw dan un Peter kivuina mun ahi.
Basilica a Maitam sang pen nuoi a um mawphelna maitam hang ah peter kivuina gei ah Greek hamlui a kigiel” Petros eni” “Peter tamnah aum” akigiel hi.
Kum Zabi tamtah sung Peter haan umna dihtah thei chet hisih nan leh, Kum Zabi 20 jou lang in guntutah a khuol chien ahinua in Basilica nuai ah laikhiat ahi nua in ang ki theikhe pan hi. Tam na mukhiat lah Christian masa ten athil melchina dia akoi te uh ahi.
Archaeologist Margherita Guarducci Kichinu in Pope Paul VI kithuopi na toh amun thutah leh gilt ah in akhuo lele ua, sil kigiel te tungtawn in tam Basilica inn ding na nuoi khu Peter kivuina dih tah ahina hi chi amukhie hi.
Peter zong eite bang ahi:
"Pietro – Un uomo nel vento" kichi laibu ah Peter ahile “Hui lah a um mipa” akichi hi. Peter pen eite bang mi ahi. Alungthang jel, bolkhiel jel,kisia thei jel, tuoleh kap leh nui jel thei mi ahi, achi hi.
Tam theisiam na peter tangthu in lungsim asukha mama hi. Siangthou tah a vangaitua thei jong hilou meitehi. Aman jauna jong anei a, Jesun apoimo laitah in akilepmang san a Dettah a pang det dia dei ahilai tah in ana pua hi. Ahivang in tutan in ama aum den hi.
I bawn un bang hun lai pou in, I mawna te uh amukhe zel ua, I pawimaw pen ni chiang in alawsam kha jel uhi. Damsung a apoimaw pen ahi leh zilkhiat lou leh zilsah lou hilou hi. Peter in Thoukia Jesu Christ a akibulphu zieh a kikhel lamdangna anei ahi.
Jubilee kum sung a Lenten thupi:
Pasian in A pawlpi mipil misiamte tung a alam sih a, mi kineusah leh mi ngaidamna nei te tung a alam zaw hi.
Koi ahiei apua nua a ding det kia thei kung a Peter aum
Koi ahiei khat akaa amau nua a ang ki siamtha kia le Peter aum
Koi ahiei khat in tasam mah nan leh, “Jesu aw nangman Kang it nathei hi” achi thei leh Peter aum hi.
Translated by: Robert Lalboi
