North East Diocesan Youth Directors' Meet 2025
Date: 28th–29th May 2025
Venue: Bethel MSMHC Prayer Centre, Barapani, Meghalaya
Apeisa may 28 leh 29 ni’n The North East Diocesan Youth Directors' Meet 2025 MSMHC Prayer Centre, Barapani, Meghalaya ah ana kimang hi. Tami vaiguon ah mi 27 ang kikhawm a tuate lah a Rev. Fr. Chetan Machado (National Youth Director & Executive Secretary of CCBI Commission for Youth); Rev. Fr. John Barman MSFS (Regional Youth Director & Associate Executive Secretary of CCBI Commission for Youth); Sr. Wansuk Lyngdoh MSMHC (Regional Youth Lady Animator); Ms. Daisy Zomuankimi (Regional Youth Secretary); Mr. Jaunt P. Bora (Regional Youth Treasurer); Mr. Onnesimos Shangdiar (Regional Youth Editor, ICYM NE); Mr. Pyrkhat Thabah (REXCO Member); leh Miss Hulang Magdelene Anal (NEXCO Member), tualeh Northeast sunga DYDs, ADYDs, leh DYLAs te ahi uhi.
Tami vaiguon patna dingin Fr. John Barman in Mass siengthou latna aneia tuajou in Ms. Daisy leh Mr. Jaunt in vaiguon honna anei gel hi. Grace Villa MSMHC ngahnu siengthou sinte’n vaidawtna hun amang uhi.
Ani ni ni’n Fr. Chetan in Mass siengthou latna aneia tuale mass jou in khangnoute leh media tungtang leh pawlpi zawhkhawmna tungtanga thuhilna anei hi. Khangnoute kungah 36th Plenary Assembly tungtang tahlahgna anei kom in media hoi naleh hoilou nate thugenna jong anei hi.
Fr. John Barman in Regional Youth Commission tungtawn a vaisai dingdan leh mailam hun a kivai puoh ding dante hilna anei , tami tungtang akikupna hi upcoming 5th Regional Youth Convention (RYC) ana kibol a tuanah director te ngaidan ana kikum uhi.
Ms. Magdalene in National Youth Convention (NYC) in panmun alah nate leh anasepte uh tahlahna aneia tuajou Mr. Onnesimos Shangdiar leh Fr. John Barman lamkaina in khangnoute khantou thei nadinga pan lah na Youth Empowerment Project honna anei uhi.
Tamteng jou in vaiguon lawching tah in jo in a um a, mailam hun ajong Northeast India youth ministry a kipumpieh dingin ki apna anei uhi.
Translated by: William Zo
