KWI President Asian Hattuom te kung ah a Resources te uh Common Mission ading in hawm chiet ding in challenge bawl hi.

Asian hattuom ten thugen lam maimai lam a sharing chou bawl lou in a resources te uh, talent te, a hun te uleh sum leh pai lam tungtawn a zong hattuom mission ading a sharing a bawl ding uh ahi, chin Bishop Antonuis Subianto Bunjamin, OSC president of the Catholic Bishop's Conference of Indonesia KWI in closing press conference of the 12th Plenary Assembly of the Federation of Asian Bishop's Conference FABC ah July 26 ni in Karya Pastoral Building in Jakarta Cathedral complex mun a gen hi.

Aman abehlap na a Synodality in kalsuankhawm naleh ki support tuana napitah in poimo ahi chin gen hi.

Eiten hagau sharing lampang I hah gen ua, hinanleh i resources te uh, talent te uh leh sum leh pai te i share khata uoi ma ? Chin dotna bawl hi.

Tualeh ama a ding a tami Assembly hun a documents ki bawl khe te sang in i hinna leh a poimo bangbang I share khiet thei te poimo zo asah dan zong tahlang hi.

Tualeh Assembly 5na Bandung mun a 1990 a ki mang pen a tuami apat a kum 36 peizo in tuni'n tami indonesia gam a FABC plenary Assembly pen 2 vei a vaidawn na ahita a, tuazieh in Bishop Antonuis in mipi hing kalsuankhawm te vaidawn thei dinga aum na pen hampha leh guolzawlna tang akisa dan te tahlang hi.

Tualeh tuni a Indonesia mi ten ang vaidawn dan uleh ang welcome Siam dan te uh imu chieng in I mission uh Synodality toh ki tuoh ahidan te zong tahlang hi.

Tualeh delegates te tunnel of friendship, Jakarta cathedral leh Istiqlal Mosque, Southeast Asia largest mosque kijop tuan mun a vahkhomna tungtawn in i assembly theme, bridge leh bridge builder' hiding chi toh kizaitawn mamah ahidan te tahlang hi.

Tami tunnel tungtawn a pei na pen ki houkhomna maimai hizo lou a hinanleh ki gingtat tuohna te, ki zahtat na te leh friendship relationship te suhat mahmah ahidan zong atha in hilchien hi.

Tualeh the Grand inam of Istiqlal Mosque toh aki mu khom na te uh thupi ahidan gen hi, aziehpen aman i gingdan tuomtuom hinanlei zong i friendship te uhleh i ki thutuohna te suhat ahidan zong gen hi.

Tuoleh Luis Antonio Tagle in agen "mi koi eh khat pasian toh ang ki tuohkhom chieng in akim a kieng a mi te toh zong hing kituoh hi" ana chi te dih asah dan atha tha in tahlang tha hi.

Tualeh amah ngaidan in Asian hattuom ten Synodal mission i gah suoh thei nading ua poimo pen chu local hattuom te lah a i sil nei te uh ki share tuoh chiet ding ahi chin a thugen azo hi.